কোকৰাঝাৰ, ১৯ জুলাই : কোকৰাঝাৰৰ চাই ইণ্ডোৰ ষ্টেডিয়ামত শুকুৰবাৰৰ পৰা আৰম্ভ হৈছে 23 সংখ্যক জ্যেষ্ঠ সদৌ অসম আন্ত: জিলা উছু চেম্পিয়নশ্বিপ । অসম উছু সন্থাৰ সহযোগত আয়োজিত কৰা এই তিনিদিনীয়া প্ৰতিযোগিতাত অসমৰ মুঠ 26 খন জিলাৰ 107 জন খেলুৱৈয়ে অংশগ্ৰহণ কৰিছে । এই প্ৰতিযোগিতাৰ উদ্ধোধন কৰে বিটিচিৰ খেল বিভাগৰ কাৰ্যবাহী সদস্য দনেশ্বৰ গয়াৰীয়ে ।
অসম উছু সন্থাৰ সম্পাদক ৰঞ্জিত বড়োই সংবাদ মাধ্যমত জনোৱা অনুসৰি, অংশগ্ৰহণ কৰা পুৰুষ আৰু মহিলা খেলুৱৈ সকলক চান্দা আৰু ঠালোঁ নামেৰে দুটা ভাগত বিভক্ত কৰা হ'ব । নিজৰ পাৰদৰ্শিতা আৰু প্ৰদৰ্শনেৰে সফলতা লাভ কৰা খেলুৱৈ সকলে ৰাষ্ট্ৰীয় পৰ্যায়ৰ প্ৰতিযোগিতাত অংশগ্ৰহণৰ সুবিধা লাভ কৰিব বুলিও জানিবলৈ দিয়ে ৰঞ্জিত বড়োই । শুকুৰবাৰৰ আৰম্ভণি অনুষ্ঠানত উপস্থিত থাকে উদযাপন সমিতিৰ কাৰ্যবাহী সভাপতি ডেৰহাসাদ বাসুমতাৰী, ৰাজ্যিক আৰু জিলা উছু সন্থাৰ বহুকেইজন বিষয়ববীয়া ।
