বিপিএফ নেতাক অপহৰণৰ ভাবুকি

উল্লেখ্য যে,ভৰত শৰ্মাই তেখেতৰ AS-16A-3005 নম্বৰৰ গাড়ীখন বিগত চাৰি মাহ পূৰ্বে নলবাৰীস্থিত ভাগ্যশ্ৰী শ্ব' ৰূমত মেৰামতিৰ বাবে দিছিল ৷ কিন্তু  চাৰি মাহ ধৰি বাহনখন মেৰামতি নকৰি বৃস্পতিবাৰে পূৱা 10 বজাত শ্ব' ৰূমৰ এজন চালকৰ হতুৱাই গাড়ীখন ভৰত শৰ্মাৰ কোকৰাঝাৰস্থিত বাসগৃহলৈ শ্বট ৰূম কৰ্তৃপক্ষই পঠিয়াই দিয়ে ৷

কোকৰাঝাৰ, 29 আগষ্ট : কোকৰাঝাৰত বিপিএফ নেতাক অপহৰণৰ ভাবুকি ৷ বিপিএফ আগশাৰীৰ নেতা ভৰত শৰ্মাক কোনো অচিনাক্ত ব্যক্তিয়ে মোবাইল যোগে ভাবুকি দিয়ে ৷ ব্যক্তিগৰাকীয়ে নিজকে নলবাৰীস্থিত ভাগশ্ৰী টাটা মটৰ শ্ব' ৰূমৰ পৰা ফোন কৰা বুলি জানিবলৈ দিয়ে ৷ ঘটনাকলৈ এজাহাৰ দাখিল ভৰত শৰ্মাৰ ৷ উল্লেখ্য যে,ভৰত শৰ্মাই তেখেতৰ AS-16A-3005 নম্বৰৰ গাড়ীখন বিগত চাৰি মাহ পূৰ্বে নলবাৰীস্থিত ভাগ্যশ্ৰী শ্ব' ৰূমত মেৰামতিৰ বাবে দিছিল ৷ কিন্তু চাৰি মাহ ধৰি বাহনখন মেৰামতি নকৰি বৃস্পতিবাৰে পূৱা 10 বজাত শ্ব' ৰূমৰ এজন চালকৰ হতুৱাই গাড়ীখন ভৰত শৰ্মাৰ কোকৰাঝাৰস্থিত বাসগৃহলৈ শ্বট ৰূম কৰ্তৃপক্ষই পঠিয়াই দিয়ে ৷ তাৰ পাচতে গাড়ীখন ক্ষন্তেক চলাই ভৰত শৰ্মাই অধ্যয়ন কৰাত গাড়ীখন সঠিক হোৱা নাই বুলি পুনৰ ঘূৰাই পঠায় দিয়ে ৷ তেতিয়াই ফোনযোগে কোনো অচিনাক্ত ব্যক্তিয়ে শ্ব' ৰূমৰ পৰা ফোন কৰা বুলি জানিবলৈ দি বিপিএফৰ নেতা গৰাকীক অশ্লীল গালি-গালাজ দিয়াৰ উপৰিও অপহৰণৰ ভাবুকি দিয়ে ৷ এনে কাৰ্যত গাড়ীৰ গৰাকী তথা বিপিএফৰ নেতা ভৰত শৰ্মাই শংকিত হৈ কোকৰাঝাৰ সদৰ থানাত উপস্থিত হৈ ভাগ্যশ্ৰী মটৰ শ্ব' ৰূমৰ পৰা অহা ভাবুকিৰ বিৰুদ্ধে সংশ্লিষ্ট ম'বাইল নম্বৰ সহিতে এখন এজাহাৰ দাখিল কৰে ৷