যমদুৱাৰত উটি যোৱা ছাত্ৰৰ মৃতদেহ উদ্ধাৰ

যমদুৱাৰ পিকনিকস্থলীত মঙলবাৰে উদ্ধাৰ হয় তলি কামচিৰ মৃতদেহ

19 মাৰ্চ, কোকৰাঝাৰঃ ভাৰত-ভূটান সীমান্তৱৰ্তী যমদুৱাৰ পিকনিক স্থলিত মঙলবাৰে উদ্ধাৰ হয় তলি কামচিৰ মৃতদেহ৷ মঙলবাৰে কোকৰাঝাৰ SDRF বাহিনীয়ে ভূটান SDRF বাহিনীৰ সহযোগত ঘটনাস্থলীৰ পৰা প্ৰায় ২০০ মিটাৰমান আতঁৰত উদ্ধাৰ কৰে ছাত্ৰজনৰ মৃতদেহ৷ উল্লেখ্য যে বৰাপানীৰ ইউনিয়ন খ্ৰীষ্টিয়ান কলেজৰ ছাত্ৰ তলি কামচিয়ে বন্ধুৰ সৈতে পিকনিক খাবলৈ গৈ নৈত পিচলি পৰি উটি গৈছিল।