কৰিমগঞ্জ, 16 এপ্ৰিল : 18 এপ্ৰিলত অনুষ্ঠিত হ'বলগীয়া দ্বিতীয় পৰ্যায়ৰ নিৰ্বাচনৰ বাবে নিৰ্বাচনৰ কামত নিয়োজিত কৰ্মীসকলে যাত্ৰা আৰম্ভ কৰিছে গন্তব্যস্থলীলৈ | কৰিমগঞ্জ লোকসভা সমষ্টিৰ নিৰ্বাচনৰ বাবে মঙলবাৰে কৰিমগঞ্জ কলেজৰ খেল পথাৰৰ পৰা ই ভি এমৰ লগতে ভোটৰ আন সামগ্ৰী লৈ ভোটগ্ৰহণ কেন্দ্ৰসমূহলৈ ৰাওনা হৈছে ভোটগ্ৰহণকাৰীৰ দলৰ লগতে নিৰাপত্তাৰক্ষীসকল ৷
ভোটগ্ৰহণ কেন্দ্ৰলৈ ৰাওনা ভোটগ্ৰহণকাৰীৰ দল
কৰিমগঞ্জ জিলাৰ মুঠ 1065 টাকৈ ভোটগ্ৰহণ কেন্দ্ৰৰ ভিতৰত দুৰণিবতীয়া আৰু দুৰ্গম এলেকাৰ 342 টা কেন্দ্ৰলৈ ৰাওনা হয় নিৰ্বাচনৰ কামত নিয়োজিত কৰ্মীসকল । বাকী আন 723 টা ভোটগ্ৰহণ কেন্দ্ৰলৈ বুধবাৰে ৰাওনা হ'ব নিৰ্বাচনৰ কামত নিয়োজিত বিষয়া-কৰ্মচাৰীসকল ৷
