কৰিমগঞ্জ, 27 মে' : বিজেপিৰ অভূতপূৰ্ব সাফল্যত আনন্দ প্ৰকাশ কৰিলে কিন্নৰ সমাজে ৷ কৰিমগঞ্জ সমষ্টিত বিজেপি প্ৰাৰ্থী কৃপানাথ মাল্লাৰ বিজয়ত অভিনন্দন জনাবলৈ কৰিমগঞ্জ জিলা বিজেপি কাৰ্যালয়ত উপস্থিত কিন্নৰৰ দল ৷
কৰিমগঞ্জ জিলা বিজেপিৰ সভাপতি সুব্ৰত ভট্টাচাৰ্য্য আৰু মহিলা মৰ্চাৰ সভানেত্ৰী সীমা নন্দীৰ হাতত মিঠাই আৰু ফুলৰ থোপা দি অভিনন্দন জনায় কিন্নৰৰ দলে ৷ তেওঁলোকে বিজেপিৰ সদস্যক আশীৰ্বাদ জনোৱাৰ লগতে দলটোৰ সাফল্যও কামনা কৰে ৷
বিজেপিৰ সাফল্যত আনন্দ প্ৰকাশ কৰি কৰিমগঞ্জ কিন্নৰ সমাজৰ গুৰুমা ৰুমিকা চক্ৰৱৰ্তী কিন্নৰে কয় যে মোডী চৰকাৰৰ দিনত কিন্নৰ সমাজে লাভ কৰিছে বিভিন্ন সুবিধা ৷ গতিকে বিজপিৰ বিজয়ত তেওঁলোক অত্যন্তই সুখী ৷
বিজেপিৰ বিজয়ত আনন্দিত কিন্নৰ সমাজ
