কৰিমগঞ্জ, 28 নৱেম্বৰ: কৰিমগঞ্জৰ কাটাখালত সংঘটিত হয় চাঞ্চল্যকৰ ডকাইতি কাণ্ড ৷ মাজ নিশা 6-7 জনীয়া ডকাইতৰ এটা দলে ঘৰৰ প্ৰৱেশদ্বাৰ ভাঙি লুটি নিয়ে সোণৰ আ-অলংকাৰসহ নগদ ধন ৷ ইপিনে ডকাইতৰ আক্ৰমণৰ ফলত আহত নিহত হয় ঘৰৰ গৰাকী পাৰ্থ প্ৰতিম পাল ৷ পৰিয়ালৰ লোকে চিঞৰ-বাখৰ কৰাত পলায়ন কৰে ডকাইতৰ দলটোৱে ৷ নিশা প্ৰায় 3 বাজি 30 মিনিটত সংঘটিত হয় হাৰ্ডৱেৰ ব্যৱসায়ী পাৰ্থ প্ৰতিম পালৰ ঘৰত ডকাইতি কাণ্ড ৷
মুখত ক’লা কাপোৰ বান্ধি ডকাইতৰ দলেটোৱে ঘৰৰ প্ৰৱেশ দ্বাৰ ভাঙি সকলোকে 5 মিনিটৰ বাবে মুখ বন্ধ ৰাখিবলৈ কয়। কিন্তু ইয়াতে প্ৰতিবাদ জনাবলৈ যাওতেই পাৰ্থ প্ৰতিম পালক চোকা অস্ত্ৰৰে আঘাত কৰে ডকাইতৰ দলটোৱে ৷ ফলত কিছু পৰিমাণে আঘাতৰ সন্মুখীন হয় পাৰ্থ প্ৰতিম পাল ৷ ডকাইতৰ দলটোৱে পত্নী জ্যোতি পালৰ ডিঙিৰ সোণৰ চেইন,কন্যা দুগৰাকীৰ সোণৰ চেইনৰ লগতে নগদ ২০ হাজাৰ টকা কাঢ়ি নিয়ে ৷ ইপিনে আলমাৰি ভাঙিবলৈ চেষ্টা চলাওতেই সুযোগ বুজি জ্যোতি পালে ঘৰৰ পিছফালে গৈ ওচৰ-চুবুৰীয়াক চিঞৰ বাখৰ কৰাত ডকাইতৰ দলটোৱে পলায়ন কৰে।
এই ঘটনাৰ পাছত অঞ্চলটোত ব্যাপক চাঞ্চল্যৰ সৃষ্টি হৈছে। ঘটনাস্থলীত আৰক্ষী উপস্থিত হৈ তদন্ত আৰম্ভ কৰিছে যদিও এতিয়ালৈকে কোনো শুংসূত্ৰ লাভ কৰা নাই ডকাইতৰ দলটোৰ ৷
লগতে চাওক-মৰিগাঁৱত ভয়ংকৰ জালিয়াতি, 40 জন কৃষকৰ নামত আত্মসাৎ 22 লাখ টকা !
