ৰাতাবাৰীৰ ছিংলাছৰা গাঁও পঞ্চায়তত জয়ী কংগ্ৰেছ

অনাস্থা প্ৰস্তাৱৰ জৰিয়তে কংগ্ৰেছৰ দখলত থকা সিংলাছৰা গাঁও পঞ্চায়ত দখলৰ পৰিকল্পনা আধৰোৱা হৈ থাকিল বিজেপিৰ । আস্থাভোটৰ জৰিয়তে পুনৰ বাহাল থাকিল কংগ্ৰেছী সভাপতি হীৰালাল ৰবিদাস ৷

কৰিমগঞ্জ,28আগষ্টঃ উপ নিৰ্বাচনৰ প্ৰাক মুহূর্তত ৰাতাবাৰী সমষ্টিত বিজেপিয়ে খালে মুখ থেকেচা । অনাস্থা প্ৰস্তাৱৰ জৰিয়তে কংগ্ৰেছৰ দখলত থকা সিংলাছৰা গাঁও পঞ্চায়ত দখলৰ পৰিকল্পনা আধৰুৱা হৈ থাকিল বিজেপিৰ । আস্থাভোটৰ জৰিয়তে পুনৰ বাহাল থাকিল কংগ্ৰেছী সভাপতি হীৰালাল ৰবিদাস ৷ উল্লেখ্য যে বিগত বহুদিনৰ পৰাই সিংলাছৰা পঞ্চায়তৰ সভাপতি আৰু সচিবৰ মাজত বিভিন্ন আঁচনিক কেন্দ্ৰ কৰি সংঘাত চলি আহিছিল । এই সংঘাতৰ সুযোগ লৈ বিজেপিয়ে কিছু গ্ৰুপ সদস্যক হাতত লৈ কংগ্ৰেছী সভাপতি হীৰালাল ৰবিদাসৰ বিৰুদ্ধে অনাস্থা প্ৰস্তাৱ উত্থাপন কৰে । সেইমতে দুৰ্লভছৰা খণ্ড উন্নয়ন কাৰ্যালয়ত এক গোপন ভোটৰ আয়োজন কৰা হৈছিল ।

কিন্তু সেই আস্থাভোটত সভাপতি হীৰালাল ৰবিদাসৰ সপক্ষে ভোট পৰে ছটা আৰু বিৰোধীৰ পক্ষে ভোট পৰে মাত্ৰ চাৰিটা । অবশেষত আস্থাভটৰ জৰিয়তে পুনৰ পঞ্চায়ত দখল কৰে কংগ্ৰেছী সভাপতি হীৰালাল ৰবিদাসে ৷