কৰিমগঞ্জ,10 নৱেম্বৰ: কৰিমগঞ্জৰ চৰিষা অঞ্চলত সংঘটিত হৈছে এক ভয়ংকৰ পথ দুৰ্ঘটনা ৷ দ্ৰুতবেগী ট্ৰেভেলাৰ আৰু ট্ৰাকৰ মাজত মুখামুখি সংঘৰ্ষ হৈ গুৰুতৰভাৱে আহত হয় ট্ৰেভেলাৰত থকা 6 গৰাকী যাত্ৰী ৷ আহত সকলৰ ভিতৰত এগৰাকী যাত্ৰীৰ অৱস্থা সম্প্ৰতি সংকটজনক ৷ ইপিনে দুৰ্ঘটনাটো সংঘটিত হোৱাৰ পিছতে ট্ৰেভেলাৰ আৰু ট্ৰাকখনৰ চালক দুজনে ঘটনাস্থলীৰ পৰা পলায়ন কৰে ৷ এ এছ 11 বি চি 2246 নম্বৰৰ ট্ৰেভেলাৰখন শিলচৰ অভিমুখে আৰু টি আৰ 05 এ 1949 নম্বৰৰ ট্ৰাকখন ত্ৰিপুৰা অভিমুখে গৈ থকা বুলি জানিব পৰা গৈছে ৷ দুৰ্ঘটনাটো সংঘটিত হোৱাৰ পিছত কিছু সময়ৰ বাবে পথটোত স্তব্ধ হৈ পৰে যানবাহনৰ চলাচল ৷ পৰৱৰ্তী সময়ত ঘটনাস্থলীত স্থানীয় আৰক্ষী উপস্থিত হৈ পথটো মুকলি কৰাৰ লগতে আহতসকলৰ চিকিৎসাৰ ব্যৱস্থা কৰে ৷
লগতে চাওকঃ দীপাৱলী উপলক্ষে ডিব্ৰুগড়ত বৃদ্ধি পাইছে মাটিৰ চাকিৰ চাহিদা
