ডিমা হাছাও : অসমৰ ডিমা হাছাও জিলাৰ উমৰাংছ'ৰ কয়লাখনিত এতিয়াও ৮ জন শ্ৰমিক আবদ্ধ হৈ থকাৰ সন্দেহ কৰা হৈছে । যাৰ বাবে শ্ৰমিকসকলক উদ্ধাৰৰ বাবে প্ৰচেষ্টা অব্যাহত আছে । এন ডি আৰ এফ, স্থানীয় প্ৰশাসন আৰু নৌসেনা বাহিনীয়ে উদ্ধাৰ অভিযান অব্যাহত ৰাখিছে । তাৰ অংশ হিচাপে বুধবাৰৰ পৰা খনিৰ ভিতৰৰ পানী নিষ্কাশনৰ প্ৰক্ৰিয়া আৰম্ভ কৰা হৈছে ।
পানী নিষ্কাষনৰ প্ৰক্ৰিয়া অব্যাহত
এনডিআৰএফৰ প্ৰথম বেটেলিয়নৰ কমাণ্ডেণ্ট এইচপিএছ কান্দাৰীয়ে কয় যে স্থানটোৰ পৰা পানী নিষ্কাশন কৰিবলৈ দুটা পাম্প ব্যৱহাৰ কৰা হৈছে । তেওঁ নিশ্চিত কৰে যে প্ৰক্ৰিয়াটো নিশালৈ চলিব আৰু পানী নিষ্কাশন হোৱাৰ পিছত মেনুৱেল অনুসন্ধান আৰম্ভ হ'ব ।
#WATCH | Dima Hasao coal mine incident, Assam | HPS Kandari, Commandant Of 1st Battalion, NDRF says, " the process has already started, they are using two pumps, one is already pumping the water and the other one is also getting started. this process will go on for the… pic.twitter.com/U1RGgHnMcE
— ANI (@ANI) January 9, 2025
সংবাদ মাধ্যমৰ সন্মুখত কান্দাৰীয়ে কয়, "পানী নিষ্কাশনৰ প্ৰক্ৰিয়াটো ইতিমধ্যে আৰম্ভ হৈছে, তেওঁলোকে দুটা পাম্প ব্যৱহাৰ কৰি আছে: এটাৰে ইতিমধ্যে পানী নিষ্কাশন কৰি থকা হৈছে আৰু আনটোও আৰম্ভ হৈছে । এই প্ৰক্ৰিয়াটো নিশালৈ চলিব। পানী সিঁচাৰ পিছত...আমি ভিতৰলৈ যাব পাৰিম আৰু মেনুৱেল অনুসন্ধান কৰিব পাৰিম ।"
#WATCH | Dima Hasao, Assam | Joint rescue operation of the Indian Army, Assam Rifles, NDRF, SDRF teams and other agencies has been underway to rescue 8 people who have been trapped in a coal mine at 3 Kilo, Umrangso area since January 6
— ANI (@ANI) January 9, 2025
The body of one of the nine workers… pic.twitter.com/5YsYVHvR3L
ইফালে বুধবাৰে অসমৰ বিশেষ আৰক্ষী সঞ্চালক প্ৰধান (ডিজিপি) হৰমিত সিঙে সমগ্ৰ প্ৰক্ৰিয়াটো পৰ্যবেক্ষণ কৰে । সেই সময়ত তেওঁ কয়, "শ্বাফ্টৰ তলত এটা মৃতদেহ উদ্ধাৰ হৈছে । মঙলবাৰে পানী অতি অস্পষ্ট আছিল । গতিকে উদ্ধাৰকাৰী দলে একো দেখা পোৱা নাছিল । সেয়েহে আজি ৪ জন ডুবাৰু, এন ডি আৰ এফ আৰু সেনাৰ ডুবাৰু তলত নামি গৈছিল । তেওঁলোকে শ্বাফ্টৰ তলৰ পৰা এটা মৃতদেহ উদ্ধাৰ কৰিবলৈ সক্ষম হৈছিল । এতিয়া সকলো ফালৰ পৰা সুৰংগ নিৰ্মাণৰ প্ৰক্ৰিয়া চলি আছে ।"
#WATCH | Dima Hasao, Assam | Inspector Roshan Kumar Chand, Team Commander, NDRF, says, " we have searched the vertical area but haven't been able to find anything. we are proceeding further with taking out water from the mine... the water level has only increased and not… https://t.co/5gm2cyxd4k pic.twitter.com/LRCMGbqyaI
— ANI (@ANI) January 9, 2025
উল্লেখ্য যে, উদ্ধাৰকাৰী দলে যথেষ্ট প্ৰত্যাহ্বানৰো সন্মুখীন হোৱা দেখা গৈছে । কয়লাখনিত পানীৰ স্তৰ বৃদ্ধি হোৱাৰ লগে লগে উদ্ধাৰ অভিযানত বাধাৰ সৃষ্টি হয় ৷ বিগত দিনকেইটাত ধাৰাসাৰ বৰষুণৰ ফলত কয়লাখনিত আবদ্ধ হৈ থকা শ্ৰমিকসকলৰ উদ্ধাৰ অভিযান স্থগিত ৰাখিবলগীয়াও হৈছিল । অৱশ্যে বৃহস্পতিবাৰে পুনৰ ভাৰতীয় সেনা, অসম ৰাইফলছ, এন ডি আৰ এফ, এছ ডি আৰ এফৰ দলে অভিযান আৰম্ভ কৰিছে ৷
লগতে পঢ়ক :সুকলমে উভতি আহিবনে ! উৎকণ্ঠাৰ মাজতে চতুৰ্থ দিনাও অব্যাহত উদ্ধাৰ অভিযান - ASSAM COAL MINE TRAGEDY
