২০২৫ বৰ্ষত কৰ্কট ৰাশিৰ জাতক-জাতিকাসকলৰ ৰাশিত মংগল, তৃতীয়ত কেতু, পঞ্চমত বুধ, ষষ্ঠত ৰবি, সপ্তমত চন্দ্ৰ, অষ্টমত শনি আৰু শুক্ৰ, নৱমত ৰাহু আৰু একাদশত বৃহস্পতি গ্ৰহ অৱস্থান কৰি শুভফল নিৰূপণ কৰিছে ৷
২০২৫ বৰ্ষত কৰ্মৰ ক্ষেত্ৰত কৰ্কট ৰাশিৰ বাবে কেনে হ'ব ?
২০২৫ বৰ্ষত কৰ্কট ৰাশিৰ জাতক-জাতিকাসকলৰ কৰ্মস্থান মংগল ৰাশিত অৱস্থান কৰিছে আৰু একাদশত গুৰু বৃহস্পতিৰ অৱস্থান কৰা ফলত কৰ্মস্থানত বিশেষ শুভফল ফল নিৰূপণ কৰিছে ৷ এই বছৰটোত সকলো ফালৰ পৰাই সফলতা লাভ কৰিব ৷ কৰ্মক্ষেত্ৰত থকা সকলো বাধা আঁতৰিব ৷ নতুন নতুন কৰ্মত তেওঁলোকে আত্ম নিয়োগ কৰিব পৰিব ৷
নিৱনুৱাসকলে ২০২৫ বৰ্ষত নতুন কৰ্মৰ প্ৰাপ্তিৰ যোগ আছে ৷ চৰকাৰী চাকৰি বিচৰি থকাৰ সকলৰো চৰকাৰী চাকৰিৰ যোগ আছে ৷ কৰ্মৰত হৈ থকা যিসকল ব্যক্তিয়ে কৰ্মস্থান সলনি কৰিব বিচাৰিছে বা বদলি বিচাৰি আছে তেওঁলোকৰ বাবেও এই বৰ্ষটো অতি শুভ হ'ব ৷
২০২৫ বৰ্ষত ধন আৰু ব্যৱসায় ক্ষেত্ৰত কৰ্কট ৰাশিৰ বাবে কেনে হ'ব ?
২০২৫ বৰ্ষত কৰ্কট ৰাশিৰ জাতক-জাতিকাসকলৰ ক্ষেত্ৰত ধন আৰু ব্যৱসায় স্থানটো অতি শুভ বুলি ক'ব পাৰি ৷ পঞ্চমত বুধ আৰু সপ্তমত চন্দ্ৰ গ্ৰহ অৱস্থান কৰি ধন আৰু ব্যৱসায় দিশটো খুব শুভ কৰি তুলিছে ৷ এই বৰ্ষত এই ৰাশিৰ জাতক-জাতিকা সকলৰ ধন -টকা-পইচা বৃদ্ধি হ'ব ৷ কৰবাত পইচা পাবলৈ আছে যদি সেয়া উভতাই পাব ৷ ব্যৱসায় ক্ষেত্ৰত খুব দক্ষতাৰে আগবাঢ়িব পৰিব ৷ লগতে ব্যৱসায় ক্ষেত্ৰত উন্নতি লাভ কৰিব ৷ সম্পত্তি ক্ৰয় কৰিব বিচৰাসকলৰ বাবেও ভাল ৷ অনলাইন, আমদানি-ৰপ্তানি, কাপোৰ, পানীৰ ব্যৱসায়ৰ লগত জড়িত হৈ থকা সকলৰ বাবেও ভাল হ'ব ৷
২০২৫ বৰ্ষত স্বাস্থ্যৰ ক্ষেত্ৰত কৰ্কট ৰাশিৰ বাবে কেনে হ'ব ?
চলিত বৰ্ষত কৰ্কট ৰাশিৰ জাতক-জাতিকাসকলে স্বাস্থ্যৰ ক্ষেত্ৰত খুব শুভ ৷ বছৰৰ আৰম্ভণিতে স্বাস্থ্যৰ ক্ষেত্ৰত কিছু সাৱধানতা অৱলম্বন কৰাটো ভাল, অৱশ্যে বছৰৰ মাজ ভাগ বা শেষৰ ভাগত স্বাস্থ্যৰ উন্নতি লাভ কৰিব ৷ পুৰণি ৰোগসমূহৰ পৰা আৰোগ্য লাভ কৰিব ৷ শৰীৰক আৰু মানসিক স্বাস্থ্যৰ সকলো দিশৰ ক্ষেত্ৰতো ২০২৫ বৰ্ষত ভাল ফল লাভ কৰিব ৷
২০২৫ বৰ্ষত প্ৰেম-বিবাহৰ ক্ষেত্ৰত কৰ্কট ৰাশিৰ বাবে কেনে হ'ব ?
২০২৫ বৰ্ষত প্ৰেম-বিবাহৰ ক্ষেত্ৰত কৰ্কট ৰাশিৰ জাতক-জাতিকাসকলৰ খুব শুভ বুলি ক’ব পাৰি ৷ সপ্তমত চন্দ্ৰ গ্ৰহ অৱস্থান কৰাৰ ফলত প্ৰেমৰ ক্ষেত্ৰত খুব শুভ ফল লাভ কৰিব ৷ অৱশ্যে প্ৰেমৰ ক্ষেত্ৰত তৃতীয় পক্ষ আহিব পাৰে ৷ বিবাহৰ উপযোগীসকলৰ বিবাহৰ যোগ আছে ৷
২০২৫ বৰ্ষত বিদ্যাৰ ক্ষেত্ৰত কৰ্কট ৰাশিৰ বাবে কেনে হ'ব ?
২০২৫ বৰ্ষত বিদ্যাৰ ক্ষেত্ৰত কৰ্কট ৰাশিৰ জাতক-জাতিকাসকলৰ বাবে বিদ্যাস্থান শুভ ৷ পঞ্চমত বুধ গ্ৰহ অৱস্থান কৰাৰ ফলত বিদ্যাস্থান খুব শুভ নিৰূপণ কৰিছে ৷ লগতে একাদশত বৃহস্পতি গ্ৰহ অৱস্থান কৰি সু-ভাগ্যৱান কৰি তুলিছে ৷
ছাত্ৰ-ছাত্ৰীসকলে ভাল ফল লাভ কৰিব, বিদেশত অধ্যয়ন কৰিব পাৰিব ৷ কলা শাখাৰ ছাত্ৰ-ছাত্ৰী সকলৰ বাবেও ভাল ৷ মেডিকেল আৰু ইঞ্জিনিয়াৰিংত অধ্যয়ন কৰি থকাসকলৰ বাবেও এই বর্ষতো শুভ হ'ব ৷
লগতে পঢ়ক
