কৰিমগঞ্জ,10 জুন : পাথাৰকান্দি বিধানসভাৰ সংৰক্ষিত বনাঞ্চল ছলমনাত ৩০ টাকৈ সংখ্যালঘু পৰিয়ালৰ ঘৰত উচ্ছেদক লৈ ৰাজনৈতিক বতাহ উত্তপ্ত হৈ উঠিছে । বুধবাৰে কৰিমগঞ্জ জিলা উপায়ুক্তৰ কাৰ্যালয়ৰ সম্মুখত উচ্ছেদৰ বিৰোধিতা কৰি প্ৰতিবাদত নামিল কংগ্ৰেছ-এআইইউডিএফ মহাঁজোটৰ নেতা-বিধায়কসকল ।
ক’ভিড অতিমাৰীৰ সময়ত উচ্ছেদ বন্ধ কৰক, উচ্ছেদকলৈ ৰাজনীতি বন্ধ কৰক, বন বিভাগৰ উচ্ছেদ মানৱতা বিৰোধী আদি শ্ল’গানৰে অব্যাহত ৰাখে আন্দোলন ৷ ইয়াৰ লগতে বদৰপুৰৰ এআইইউডিএফ(AIUDF) বিধায়ক আব্দুল আজিজে তেওঁলোকৰ দাবী নামানিলে আন্দোলন এনেদৰে চলাই যোৱাৰ প্ৰতিশ্ৰুতি দিয়ে ৰাইজক ।
উল্লেখ্য যে, এই উচ্ছেদ বিৰোধী আন্দোলনত আন্দোলনকাৰীসকলে ক’ভিড বিধি মনা নাই বুলিও একাংশই অভিযোগ উত্থাপন কৰিছে ।
লগতে পঢ়ক : উচ্ছেদ অভিযানৰ বিৰুদ্ধে মুখ্যমন্ত্ৰীলৈ স্মাৰকপত্ৰ প্ৰেৰণ এবিএমছুৰ
