কৰিমগঞ্জৰ ৰাতাবাৰীত চাৰি বছৰীয়া শিশুক হত্যা

কৰিমগঞ্জৰ ৰাতাবাৰীত চাৰি বছৰীয়া শিশুক হত্যা ৷ প্ৰতিবেশী মহিলাৰ বিৰুদ্ধে হত্যাৰ অভিযোগ

কৰিমগঞ্জ, 30 আগষ্টঃ কৰিমগঞ্জৰ ৰাতাবাৰীত শিশুক হত্যা | চাৰি বছৰীয়া এটি নিষ্পাপ শিশুক হত্যা কৰাৰ অভিযোগ উত্থাপিত হৈছে এগৰাকী মহিলাৰ বিৰুদ্ধে ৷ কৌছৰ আহমেদ নামৰ চাৰি বছৰীয়া শিশুটি ৰাতিপুৱাৰে পৰা সন্ধানহীন হয় ৷ পৰিয়ালৰ লোকে চাৰিওফালে বিচাৰ খোচৰ কৰাত প্ৰতিবেশী ছাইনা বেগমৰ ঘৰৰ চোতালত শিশুটিৰ মৃতদেহ উদ্ধাৰ কৰে ৷ মৃত শিশুটিৰ ডিঙিত ৰচি দি চেপি ধৰাৰ চিন স্পষ্ট ৷ মৃতকৰ পৰিয়ালৰ দাবী ছাইনা বেগমে কোনো অসৎ কৰ্ম কৰি থাকা কনমাণিজনে প্ৰত্যক্ষ কৰাৰ বাবেই শিশুটিক হত্যা কৰা হয় ৷

পৰিয়ালৰ গোচৰ মৰ্মে ৰাতাবাৰী আৰক্ষীয়ে মহিলাগৰাকীক আটক কৰি শোধপোচ চলাই পৰৱৰ্তী সময়ত আদালতত গতাই দিয়ে ৷ কৰিমগঞ্জৰ মুখ্য ন্যায়িক দণ্ডাধীশৰ আদালতে অভিযুক্ত মহিলা গৰাকীক ১৪ দিনৰ ন্যায়িক জিম্মালৈ প্ৰেৰণ কৰে ৷ উক্ত ঘটনাৰ লগত আন কোনো ব্যক্তি জড়িত নেকি সেইটো আৰক্ষীৰ তদন্তত পোহৰলৈ আহিব ৷