কৰিমগঞ্জ, 24 নৱেম্বৰঃ কৰিমগঞ্জ কলেজৰ ছাত্ৰী শ্লীলতাহানিৰ ঘটনাৰ নতুন মোৰ ৷ 24 ঘণ্টাৰ ভিতৰত সুৰ সলালে শ্লীলতাহানিৰ অভিযোগ অনা ছাত্ৰীয়ে ৷ থানাৰ লক-আপত বন্দী হৈ থকা প্ৰৱক্তাৰ সৈতে আলোচনা মৰ্মে ঘটনাৰ নিষ্পত্তিৰ দাবী কৰি আদালতত লিখিভাৱে আৱেদন জনাই ছাত্ৰী গৰাকীয়ে ৷
উল্লেখ্য যে, 22 নৱেম্বৰ অৰ্থাৎ শুকুৰবাৰে কৰিমগঞ্জ কলেজৰ ঘটনাক লৈ সমগ্ৰ বৰাক উপত্যকাত প্ৰতিক্ৰিয়াৰ সৃষ্টি হৈছিল ৷ কৰিমগঞ্জ মহাবিদ্যালয় এগৰাকী ছাত্ৰীয়ে মহাবিদ্যালখনৰ প্ৰবক্তা পাৰ্থ সাৰথি দাসৰ বিৰুদ্ধে শ্লীলতাহানিৰ অভিযোগ উত্থাপন কৰে ৷ ছাত্ৰী গৰাকীৰ অভিযোগৰ ভিত্তিতে অভিযুক্ত প্ৰৱক্তা পাৰ্থ সাৰথি দাসক আটক কৰে আৰক্ষীয়ে ৷ দেওবাৰে প্ৰৱক্তা গৰাকীক আদালতত হাজিৰ কৰা হয় যদিও ছাত্ৰী গৰাকীয়ে আদালতত লিখিতভাবে অভিযুক্তৰ সৈতে বুজাবুজি হৈছে বুলি জানিবলৈ দিয়ে ৷ আৰু ছাত্ৰী গৰাকীৰ প্ৰবক্তাৰ বুজাবুজিৰ ভিত্তিতে জামিন মঞ্জুৰ কৰে আদালতে ৷
আনহাতে, ঘটনাক কেন্দ্ৰ কৰি প্ৰতিক্ৰিয়াৰ সৃষ্টি হৈছে বৰাক ভেলীত ৷ দুদিন পূৰ্বে ছাত্ৰী গৰকীৰ শ্লীলতাহানি কৰা বুলি অভিযোগ কৰা ছাত্ৰী গৰকীয়ে কিহৰ ভিত্তিত প্ৰৱক্তা গৰাকীৰ সৈতে মীমাংসা হ'ল সেয়া প্ৰশ্ন উত্থাপন কৰিছে একাংশই ৷ তাৰোপৰি এগৰাকী কলা শাখাৰ ছাত্ৰীক এগৰাকী বিজ্ঞান শাখাৰ প্ৰৱক্তাই শ্ৰেণী কোঠাৰ ভিতৰত কেনেকৈ যৌন আতিশায্য চলাব সেইয়া চিন্তনীয় বুলি মন্তব্য কৰে সচেতন মহলে ৷
