দক্ষিণ কৰিমগঞ্জ , ২৩ জুন: বিহাৰৰ পাচত এইবাৰ এনকেফেলাইটিছৰ কৱলত পৰিছে অসমৰ কৰিমগঞ্জ জিলাখন । বিশেষকৈ কৰিমগঞ্জ জিলাৰ , দক্ষিণ কৰিমগঞ্জ বিধানসভা সমষ্টিৰ অন্তৰ্গত খাগাইল গাঁৱত মহামাৰী ৰূপ ধাৰণ কৰিছে এনকেফেলাইটিছ ৰোগে ।
বিগত এসপ্তাহৰ ভিতৰত উক্ত গাওঁখনত ৩ জন যুৱকৰ মৃত্যু হৈছে । ইতিমধ্যে এই ভাইৰাচ জনিত ৰোগত আক্ৰান্ত হৈছে বহু কেইজন লোক । এই সংক্ৰমনকাৰী ৰোগৰ কৱলত মৃত্যু হোৱা যুৱক কেইজন ক্ৰমে তাজ উদ্দিন, গুলেনুৰ হুছেইন আৰু ছাহিন আহমেদ । তিনিওজন যুৱক কিছুদিন পূৰ্বে মিজোৰামৰ পৰা আক্ৰান্ত হৈ আহিছিল । আৰু যুৱক কেইজনৰ মৃত্যুৰ পিচৰে পৰা গাঁওখনৰ প্ৰতি ঘৰতেই জ্বৰৰ প্ৰদুৰ্ভাৱ দেখা দিছে । প্ৰতি ঘৰতেই বহুকেজন লোক বৰ্তমান এই ৰোগত আক্ৰান্ত হৈ পৰিছে । এই ঘটনাকলৈ এতিয়া সমগ্ৰ গাঁওখনতে আতংঙ্কময় পৰিৱেশে বিৰাজ কৰিছে । উল্লেখ্য যে আক্ৰান্ত লোক সকলৰ শৰীৰত অধিক তাপ (১০৩/১০৪ ডিগ্ৰী পযন্ত) , মূৰৰ বিষ আৰু শ্বাস কষ্টও দেখা দিয়ে ।
