কৰিমগঞ্জ,16 ফেব্ৰুৱাৰীঃ নিলাম বজাৰ আৰক্ষীয়ে জব্দ কৰিবলৈ সক্ষম হৈছে বৃহৎ পৰিমাণৰ ব্ৰাউন চুগাৰ । ব্ৰাউন চুগাৰ সৰবৰাহ কৰা দুই শিশুসহ চাৰি কুখ্যাত ড্ৰাগছ ব্যবসায়ীক ইতিমধ্যে আটক কৰিছে আৰক্ষীয়ে । জানিব পৰা মতে, সোমবাৰে নিলাম বজাৰ আৰক্ষীৰ এটা বৃহৎ দলে এক গোপন সূত্ৰৰ পম খেদি খবৰ লাভ কৰি এখন হোটেলত অভিযান চলাই ব্ৰাউন চুগাৰখিনি জব্দ কৰিবলৈ সক্ষম হয় ৷
উল্লেখ্য যে, অভিযানৰ সময়ত ব্ৰাউন চুগাৰ সৰবৰাহকাৰী ক্ৰমে ফয়জুল হক আৰু তমৰাজ আলীক গ্ৰেপ্তাৰ কৰে আৰক্ষীয়ে ৷ ধৃত দুই সৰবৰাহকাৰীয়ে দুজনকৈ শিশু শ্ৰমিকক ব্যৱহাৰ কৰি এই অবৈধ ৰমৰমীয়া ব্যৱসায় চলাই গৈছিল ৷ ঘটনা সন্দৰ্ভত অব্যাহত আছে আৰক্ষীৰ তদন্ত ৷
লগতে পঢ়কঃ সজাগতা সৃষ্টিৰ লক্ষ্যৰে চাইকেলেৰে অসম ভ্ৰমণ যুৱকৰ
