ডিফু, ১ ডিচেম্বৰঃ কাৰ্বি আংলং স্পৰ্টচ এচ'ছিয়েছনৰ উদ্যোগ ডংকামোকাম ৱাইচং ষ্টেডিয়াম খেলপথাৰত অনুষ্ঠিত হয় প্ৰথম MAC শীতকালীন ফুটবল প্ৰতিযোগিতা ৷ নিশা অনুষ্ঠিত ফুটবল প্ৰতিযোগিতা খেলখনৰ শুভ উদ্বোধন কৰে কাৰ্বি আংলং স্বায়ত্ত্বশাসিত পৰিষদৰ মুখ্য কাৰ্যবাহী সদস্য তুলিৰাম ৰংহাঙে ৷ খেলখনৰ শুভ উদ্বোধন কৰি মুখ্য কাৰ্যবাহী সদস্য গৰাকীয়ে কয় চূড়ান্ত খেলখন ডিফু KASA ষ্টেডিয়ামত অনুষ্ঠিত কৰা হ'ব ৷
আনহাতে বিজয়ী দলটোক ট্ৰফীসহ তিনি লাখ টকা প্ৰাইজমানি আৰু পৰাজিত দলটোক ট্ৰফীসহ দুই লাখ টকা প্ৰাইজমানি প্ৰদান কৰা হ'ব ৷ কাৰ্বি আংলং স্পৰ্টচ এচ'ছিয়েছনৰ উদ্যোগ অনুষ্ঠিত সমষ্টি ভিত্তিক এই ফুটবল খেলখন ২৬ টা পৰিষদীয় সমষ্টিৰ মাজত অনুষ্ঠিত হ'ব ৷ খেলখনত দুৱাৰ বাগৰি পৰিষদীয় সমষ্টিয়ে ১নং দুৱাৰ আমলা পৰিষদীয় সমষ্টিক ৩-১ গলৰ ব্যৱধানত পৰাস্ত কৰি বিজয়ী হ'বলৈ সক্ষম হয় ৷ উক্ত উদ্বোধনী খেলখনত অতিথি হিচাপে উপস্থিত থাকে ডিফুৰ লোকসভাৰ সাংসদ হৰেণ ছিং বে,কাৰ্বি স্বায়ত্ত্ব পৰিষদৰ কাৰ্যবাহী সদস্যকে প্ৰমুখ্য কৰি বহু গণ্য মান্য ব্যক্তি ৷
লগতে পঢ়কঃ নলবাৰীৰ ৮৭তম ৰাস মহোৎসৱত দৰ্শনাৰ্থীৰ ভিৰ
