ডিফু,৯ জানুৱাৰী : কৰ'ণা মহামাৰীয়ে সকলো স্তব্ধ কৰাৰ পিছত লাহে লাহে স্বাভাৱিক অৱস্থা ঘূৰি আহিছে ৷ সেয়ে প্ৰায় এবছৰৰ পিছত ডিফুত অনুষ্ঠিত হ'ল লেখিকা সমাৰোহৰ বৈঠক । ডিফু শাখা লেখিকা সমাৰোহ সমিতিৰ মাহেকীয়া সাহিত্য বৈঠক পৰিচালনা কৰে শাখাৰ সভানেত্ৰী ৰীণা দেৱীয়ে । এই সভাত মুখ্য অতিথিৰূপে উপস্থিত থাকে জ্যেষ্ঠ সাংবাদিক তথা লেখক নগেন বৰা ৷
অনুষ্ঠানত দিপালী আম্ফি চেতিয়া, মামণি বৰা, কৰেন দাস প্ৰমুখ্যে বিভিন্নজনে গল্প, কবিতা আৰু প্ৰবন্ধ পাঠ কৰে ৷ মাহেকীয়া সাহিত্য বৈঠকত জিলা মহিলা সমিতিৰ সভানেত্ৰী খিৰলা তেৰাংপী, জ্যেষ্ঠ নাগৰিক ৰবীন গোস্বামী প্ৰমুখ্যে সন্মানীয় ব্যক্তিসকল উপস্থিত থাকি লেখক-লেখিকাসকলক উৎসাহিত কৰে ৷
লগতে পঢ়ক : গোলাঘাটত বিজেপিৰ বৃহৎ যোগদান সভা
