ডিফু :১৩ ফেব্ৰুৱাৰী: কবি, গল্গকাৰ, ছবি পৰিচালক তথা ৰাজনৈতিক নেতা বিদ্যাছিং ৰংপিৰ এখন উপন্যাস উন্মোচন । শনিবাৰে ডিফুৰ ৰাংছিনা ছাৰপ প্ৰেক্ষাগৃহত ৰংপিৰ প্ৰথমখন উপন্যাস 'হাইমু' উন্মোচন কৰে ৰংমিলিৰ হাহিঁৰ স্ৰষ্টা ৰংবং তেৰাঙে ৷
কাৰ্বি সাংস্কৃতিক সমাজৰ সভাপতি চন্দ্ৰছিং ক্ৰ'ৰ সভাপতিত্বত অনুষ্ঠিত হোৱা গ্ৰন্থ উন্মোচনত নিৰ্দিষ্ট বক্তাৰ হিচাপে উপস্থিত থাকে অধ্যাপিকা ড:মনালিছা । উন্মোচনত ৰংবং তেৰাঙে হাইমুৰ কাহিনীক লৈ ছামছিং হাঞ্চেৰ 'নাম তাইৰ হাইমু', অজিত ছিংনাৰেৰ 'বৰ্ষা দেৱীৰ মালিতা' আৰু বিদ্যাছিং ৰংপিয়ে 'হাইমু' সৃষ্টি কৰি অসমীয়া সাহিত্যৰ ভৰাঁল চহকী কৰা বুলি কয় ৷ বিদ্যাছিং ৰংপিৰ 'হাইমু'ত কাৰ্বি সমাজ-সংস্কৃতিৰ সাৱলীল প্ৰকাশ ঘটা বুলিও কলে ৰংবং তেৰাঙে ৷
ৰাজনৈতিক নেতা বিদ্যাছিং ৰংপিৰ উপন্যাস উন্মোচন
