কলহী নৈত গা ধুবলৈ গৈ সলিল সমাধি তিনি যুৱতীৰ

কলহী নৈত গা ধুবলৈ গৈ সলিল সমাধি ঘটিল তিনি যুৱতীৰ ৷ কৰুণ মৃত্যুক সাৱতি লোৱা যুৱতী তিনি গৰাকী হ'ল ক্ৰমে প্ৰীতি কলিতা, মৌচুমী কলিতা আৰু ৰিংকি কলিতা ৷

কামৰূপ, 23 এপ্ৰিল: দক্ষিণ কামৰূপৰ কুকুৰমাৰাৰ 1নং জিয়াকুৰত সোমবাৰে পুৱা সংঘটিত হয় এক শোকাৱহ ঘটনা ৷ কলহী নৈত গা ধুবলৈ গৈ সলিল সমাধি ঘটিল তিনি যুৱতীৰ ৷ কৰুণ মৃত্যুক সাৱতি লোৱা যুৱতী তিনি গৰাকী হ'ল ক্ৰমে প্ৰীতি কলিতা, মৌচুমী কলিতা আৰু ৰিংকি কলিতা ৷ প্ৰীতি কলিতাৰ ঘৰ 1নং জিয়াকুৰত আনহাতে মৌচুমী কলিতা আৰু ৰিংকি কলিতাৰ ঘৰ ছয়গাঁৱৰ মিলনপুৰত ৷ উক্ত ঘটনাৰ খবৰ পোৱাৰ লগে লগে ঘটনাস্থলীত উপস্থিত হয় ছয়গাঁও আৰক্ষী ৷ ঘটনাস্থলীত এচ ডি আৰ এফৰ ডুবাৰু দল উপস্থিত হৈ অভিযান চলাই বিয়লি প্ৰায় 2.45 বজাত উদ্ধাৰ কৰিবলৈ সক্ষম হয় তিনিওগৰাকী যুৱতীৰ মৃতদেহ ৷

জানিব পৰা মতে, মৌচুমী কলিতা আৰু ৰিংকি কলিতা নামৰ যুৱতী দুগৰাকীয়ে দেওবাৰে জিয়াকুৰৰ মোমায়েকৰ ঘৰলৈ বিহু চাবলৈ গৈছিল ৷ সোমবাৰে দুয়োজনীয়ে সম্পৰ্কীয় প্ৰীতিৰ লগত কলহী নৈত গা ধুবলৈ গৈ মৃত্যুক সাৱতি লয় ৷