ৰঙিয়া, ২১ ছেপ্টেম্বৰ: ৰঙিয়াত অসম জনস্বাস্থ্য কাৰিকৰী অস্থায়ী কৰ্মচাৰী সন্থাৰ প্ৰতিবাদ(Protest in Rangia) । চাকৰি নিয়মীয়াকৰণৰ দাবীত চৰকাৰৰ বিৰুদ্ধে ধৰ্ণা কাৰ্যসূচী ৰূপায়ণ কৰে অস্থায়ী কৰ্মচাৰীসকলে । চৰকাৰে জনস্বাস্থ্য কাৰিকৰী বিভাগৰ অস্থায়ী কৰ্মচাৰীসকলৰ চাকৰি ব্যক্তিগতকৰণ কৰিব খোজাৰ বিৰোধিতা(Public Health Technical Department) । লগতে অস্থায়ী কৰ্মচাৰীসকলক প্ৰতাৰণা কৰাৰ অভিযোগ চৰকাৰৰ বিৰুদ্ধে ।
চাকৰি নিয়মীয়াকৰণ আৰু প্ৰাপ্য দৰমহাৰ দাবীত জনস্বাস্থ্য কাৰিকৰী বিভাগৰ ৰঙিয়া সংমণ্ডলৰ কাৰ্যবাহী অভিযন্তাৰ কাৰ্যালয়ৰ চৌহদত চৰকাৰ বিৰোধী শ্লোগানেৰে পৰিবেশ উত্তাল কৰিলে প্ৰতিবাদকাৰীয়ে(Protests demanding regularisation of jobs) । অতি শীঘ্ৰে অসম জনস্বাস্থ্য কাৰিকৰী অস্থায়ী কৰ্মচাৰী সন্থাৰ দাবী মানি ল'বলৈ আহ্বান চৰকাৰক । অন্যথা এই ক্ষেত্ৰত যিকোনো অপ্ৰীতিকৰ পৰিস্থিতিৰ বাবে চৰকাৰ দায়ী হ’ব বুলি সকিয়াই দিয়ে ।
উল্লেখ্য যে প্ৰায় এটা দশকতকৈও অধিক কাল পাম্প অপাৰেটৰ হিচাপে বিনা বেতনে কাম কৰি অহা কৰ্মচাৰীসকলে অনাগত দিনত হ'বলগীয়া আন্দোলনৰ বাবে চৰকাৰক জগৰীয়া কৰিছে । এইসকল কৰ্মচাৰীৰ বেছি ভাগেই এটা নিয়মীয়া চাকৰিৰ আশাত নিজৰ ম্যাদী পত্তাৰ মাটি পানী যোগান আঁচনি নিৰ্মাণ কৰিবলৈ চৰকাৰক দান কৰিছিল । কিন্তু অত বছৰৰ পিছতো এওঁলোকৰ চাকৰি নিয়মীয়াকৰণ নহল ।
ইয়াৰ উপৰিও এইসকল কৰ্মচাৰীয়ে বছৰ বছৰ ধৰি লাভ কৰা নাই বেতন । ২০১৩-২০১৪ বৰ্ষত কিছু সংখ্যক আঁচনিত কমিটি গঠন কৰি ছমাহৰ বাবে পাঁচ হাজাৰকৈ টকা দিয়া হৈছিল যদিও ছমাহৰ পিছত সেইখিনি মাননিও বন্ধ কৰি দিয়া হয় । মানবীয়তাৰ খাতিৰত ইমানদিনে কৰ্ম কৰি অহা এইসকল কৰ্মচাৰীয়ে এতিয়া নিজৰ উচিত প্ৰাপ্য বিচাৰি দাবী জনাইছে ।
এইসকল কৰ্মচাৰীৰ বেছিভাগৰেই বয়স প্ৰায় উকলি যোৱাৰ উপক্ৰম হোৱা বাবে অন্য কৰ্মসংস্থাপন বিচাৰাৰ বাবে এতিয়া উপায় নোহোৱাত পৰিছে । বছৰ বছৰ ধৰি চৰকাৰৰ দ্বাৰা শোষিত হৈ অহা এইসকল পাম্প অপাৰেটৰে চৰকাৰলৈ অনুৰোধ জনাইছে তেওঁলোকৰ প্ৰাপ্য আদায় দিবলৈ । অন্যথা অনাগত দিনৰ অনাহুত পৰিস্থিতিৰ বাবে চৰকাৰ জগৰীয়া হ'ব বুলি সকিয়াই দিয়ে প্ৰতিবাদকাৰীসকলে ।
