কমলপুৰ, 8 মে' : আৰক্ষীৰ চকুত ধুলি মাৰি ৰাজ্যত অব্যাহত আছে চিণ্ডিকেট৷ চিণ্ডিকেটক প্ৰশ্ৰয় দিছে খোদ আৰক্ষীয়ে৷ কমলপুৰৰ চুপাৰী চিণ্ডিকেটে প্ৰমাণ দিছে আৰক্ষীৰ অকৰ্মণ্যতাক৷
আৰক্ষীৰ প্ৰশ্ৰয়ত চলিছে ৰাজ্যত চিণ্ডিকেট ব্যৱস্থা!
ঘটনাৰ বিৱৰণী অনুসৰি,বৈধ নথিপত্ৰ নথকা তিনিখনকৈ চুপাৰী ভৰ্তি ট্ৰাক মঙলবাৰে নিশা ধৰা পৰিছিল সাংবাদিকৰ কেমেৰাত৷ গোলাঘাটৰ পৰা মহাৰাষ্ট্ৰৰ নাগপুৰলৈ চুপাৰী সৰবৰাহ হৈছিল MH 15 FV 9959, BR 06 GA 1465 আৰু WB 29 A 9776 নম্বৰৰ ট্ৰাক তিনিখনৰ যোগেদি৷ সাংবাদিকে ট্ৰাককেইখনত থকা সামগ্ৰীৰ বিষয়ে জানিবলৈ বিচৰাত উৰ্ধতম বিষয়াৰ কথা কৈ সাংবাদিকক ভীতিগ্ৰস্ত কৰাৰ প্ৰয়াস চলায় ট্ৰাককেইজনৰ চালকে৷ সমস্ত ঘটনাৰ বিষয়ে ফোনযোগে সাংবাদিককেইজনে আৰক্ষীক অৱগত কৰিবলৈ বিচাৰে যদিও সাংবাদিকৰ কথা নুশুনি ফোন কাটি দিয়ে ৰঙিয়া মহকুমা আৰক্ষীয়ে৷ আৰক্ষীৰ এই স্থিতিয়ে স্পষ্টভাৱে ইংগিত দিছে চুপাৰী চিণ্ডিকেটত আৰক্ষী জড়িতকৰণৰ কথা৷
