মহানগৰীত জব্দ বৃহৎ পৰিমাণৰ চুলাই

নিশা মহানগৰীৰ পাণ্ডুত উত্তপ্ত পৰিস্থিতি ৷ এখন চুলাই ভৰ্তি চাৰিচকীয়া বাহনক কেন্দ্ৰ কৰি সৃষ্টি হয় এই পৰিস্থিতিৰ ৷ পাণ্ডুত চুলাই যোগান ধৰি থকা অৱস্থাত পাণ্ডু বজাৰ কমিটিয়ে হাতে-লোটে ধৰে এখন চাৰিচকীয়া বাহন ৷

গুৱাহাটী, 5 আগষ্ট: নিশা মহানগৰীৰ পাণ্ডুত উত্তপ্ত পৰিস্থিতি ৷ এখন চুলাই ভৰ্তি চাৰিচকীয়া বাহনক কেন্দ্ৰ কৰি সৃষ্টি হয় এই পৰিস্থিতিৰ ৷ পাণ্ডুত চুলাই যোগান ধৰি থকা অৱস্থাত পাণ্ডু বজাৰ কমিটিয়ে হাতে-লোটে ধৰে এখন চাৰিচকীয়া বাহন ৷ গোৰেশ্বৰৰ পৰা মহানগৰীৰ বিভিন্ন স্থানত যোগান ধৰাৰ উদ্দেশ্যে অনা হৈছিল অবৈধ চুলাইখিনি ৷ বাহনখনত মজুত আছিল বৃহৎ পৰিমাণৰ চুলাই ৷

চুলাইখিনি উদ্ধাৰ কৰিয়েই পাণ্ডু বজাৰ কমিটিয়ে খবৰ দিয়ে জালুকবাৰী আৰক্ষীক ৷ বৰ্তমান ঘটনাস্থলীত জালুকবাৰী আৰক্ষী উপস্থিত হৈ বাহনখনৰ লগতে মহিলাসহ দুজন লোকক আটক কৰে ৷

জব্দকৃত বাহনখনৰ নম্বৰ AS01 DL 8487 বুলি জানিব পৰা গৈছে। উল্লেখযোগ্য যে এতিয়া নিচাযুক্ত সামগ্ৰীৰ মূল ঘাটি হৈ পৰিছে পাণ্ডু-মালিগাঁও। আৱকাৰী বিভাগৰ নিৰ্লিপ্ততাৰ সুযোগ লৈ এনেদৰেই মুকলিকৈ বিক্ৰী হৈছে সুৰা।