ৰঙিয়া, 24 মে': কৰ'ণা ভাইৰাছৰ সন্ত্ৰাসৰ বাবে দেশজুৰি অব্যাহত থকা লকডাউনৰ বাবে ৰঙিয়াৰ মছজিদ কমিটীৰ বিশেষ সিদ্ধান্ত ৷ ঈদৰ দিনা ঈদগাহ ময়দানত নামাজ পঢ়াৰ পৰা বিৰত থকাৰ লগতে ঈদগাহ ময়দানৰ গেট বন্ধ কৰি থোৱাৰ সিদ্ধান্ত লৈছে ৰঙিয়াৰ মছজিদ কমিটীসমূহে । আনবাৰৰ দৰে ৰাজহুৱাভাৱে আনন্দ স্ফুৰ্তিৰ পৰিবৰ্তে সকলোৱে ঘৰে ঘৰে পালন কৰিব পৱিত্ৰ ঈদ উল্ ফিটৰ ।
ঈদৰ সমূহীয়া নামাজ সন্দৰ্ভত ৰঙিয়াৰ মছজিদ কমিটিৰ বিশেষ সিদ্ধান্ত
ইয়াৰ লগতে এইবাৰ ঈদত ঘৰতে থাকি দূৰত্ব বজাই ৰাখি সকলোকে নিজৰ নিজৰ পৰিয়ালৰ সৈতে ঈদৰ নমাজ আদায় কৰিব আহ্বান জনায় ৰঙিয়াৰ জোনাব আক্ৰাম হুছেইনে ৷ আনহাতে লক ডাউনে প্ৰভাৱ পেলোৱাৰ বাবে এই বাৰ ঈদত লাৰু, পিঠা, কেক, নিমকি, খুৰমা আদি ঘৰতে প্ৰস্তুত কৰি নিজৰ পৰিয়ালৰ মাজতে উদযাপন কৰিব বুলি জনালে এগৰাকী স্থানীয় মহিলাই ৷
লগতে পঢ়কঃ কোৱাৰেণ্টাইন কেন্দ্ৰ পৰিদৰ্শনৰ বাবে শিৱসাগৰত উপস্থিত মুখ্যমন্ত্ৰী সৰ্বানন্দ সোণোৱাল
