দক্ষিণ কামৰূপ, 28 এপ্ৰিলঃ দেওবাৰে দক্ষিণ কামৰূপৰ বঙৰাতো সংঘটিত হয় এক পথ দুৰ্ঘটনা । 3 খনকৈ বাহন দুৰ্ঘটনা পতিত হোৱাত সৃষ্টি হয় তীব্ৰ তীব্ৰ যান-জঁটৰ । বিজয়নগৰৰ পৰা AS-21-F-7996 নম্বৰৰ বাইকেৰে সোণমনি বৰদলৈ নামৰ যুৱকজনে গুৱাহাটী অভিমুখে গৈ থকা অৱস্থাতে একে দিশৰ পৰা AS-16-G-0348 নম্বৰৰ চুইফট গাড়ীখনে বাইকখনক চেৰ পেলাই যোৱাৰ সময়চোৱাতে গুৱাহাটী অভিমুখী একে দিশতে থকা AS-01-JC-9927 নম্বৰৰ ডাম্পাৰখনে দুয়োখন বাহনক খুণ্ডা মাৰে ।
পথ দুৰ্ঘটনা, ৩ ঘন্টা ধৰি তীব্ৰ যান-জঁট
যাৰ ফলত সোণমনি বৰদলৈ নামৰ লোকজন গুৰুতৰ ভাৱে আঘাতপ্ৰাপ্ত হয় । আহত সোণমনিক স্থানীয় লোক আৰু আজাৰা আৰক্ষীৰ সহায়ত ততাতৈয়াকৈ আজাৰা চিকিৎসালয়ত ভৰ্তি কৰোৱা হয় । আনহাতে দুৰ্ঘটনাক কেন্দ্ৰ কৰি গুৱাহাটী-গোৱালপাৰা সংযোগী 17 নং ৰাষ্ট্ৰীয় ঘাইপথত প্ৰায় 3 ঘন্টা জুৰি সৃষ্টি হয় তীব্ৰ যান-জঁটৰ ।
