নিউজ ডেস্ক,1 মাৰ্চ: দুদিনীয়া ভ্ৰমণসূচীৰে অসমত উপস্থিত কংগ্ৰেছ নেত্ৰী প্ৰিয়ংকা গান্ধী ৷ পোনপ্ৰথমে কামাখ্যা মন্দিৰ দৰ্শন কৰিব কংগ্ৰেছ নেত্ৰী গৰাকীয়ে ৷ পৰৱৰ্তী সময়ত লখিমপুৰ আৰু তেজপুৰৰ জনসভাত অংশগ্ৰহণ কৰিব প্ৰিয়ংকাই ৷ সমাগত নিৰ্বাচনক কেন্দ্ৰ কৰি কংগ্ৰেছক উদ্ধাৰৰ বাবে ৰাজ্যত উপস্থিত হৈছে জ্যেষ্ঠ কংগ্ৰেছী নেত্ৰীগৰাকী ৷ গান্ধীয়ে অসম প্ৰদেশ কংগ্ৰেছৰ সভাপতি ৰিপুণ বৰাৰ হৈ গহপুৰত নিৰ্বাচনী প্ৰচাৰ চলাব ৷
মঙলবাৰে মহাপুৰুষ মাধৱদেৱৰ জন্মস্থান লেতেকুপুখুৰীলৈ যাব কংগ্ৰেছ নেত্ৰী প্ৰিয়ংকা গান্ধী ৷ ইতিমধ্যে বৰঝাৰ বিমান বন্দৰত অৱতৰণ কৰিছে প্ৰিয়ংকা গান্ধী ৷ গান্ধীক আদৰাৰ বাবে বিমানবন্দৰত উপস্থিত হৈছে সৰ্ব ভাৰতীয় মহিলা কংগ্ৰেছৰ সভানেত্ৰী সুস্মিতা দেৱৰ লগতে বহুসংখ্যক সমৰ্থক ৷
