ৰঙিয়া,1 মে': ৰাজ্যত হৈ যোৱা বিধানসভা নিৰ্বাচনৰ ভোট গণনালৈ মাজত মাথো কেইটামান মুহুৰ্ত বাকী । ভোট গণনাৰ বাবে ৰাজ্যৰ বিভিন্ন সমষ্টিৰ লগতে ৰঙিয়া সমষ্টিতো প্ৰস্তুতি প্ৰায় সম্পূৰ্ণ হৈ উঠিছে । এইবাৰ ক’ভিড প্ৰট'কলৰ বাবে নিৰ্বাচন আয়োগে ভোট গণনাৰ ক্ষেত্ৰত নিৰ্দিষ্ট নীতি-নিয়ম জাৰি কৰিছে । সেই অনুসৰি ভোট গণনাৰ সময়ত প্ৰতিগৰাকী প্ৰাৰ্থীৰ এজেণ্টে ক’ভিড টেষ্ট কৰিব লাগিব । লগতে গণনা গৃহত মাস্ক পৰিধান কৰি সামাজিক ব্যৱধান মানি ফেচ ছীল কৰিহে সোমাব পাৰিব । ইপিপিই কীট লোৱাৰ ইচ্ছা প্ৰকাশ কৰাসকলক যোগান ধৰা হ’ব কীট ৷
ক’ভিড টেষ্টৰ পিছতহে ভোটগণনা কেন্দ্ৰত প্ৰৱেশ কৰিবলৈ দিয়া হ’ব এজেণ্টসকলক । এনে নিয়মৰ ভিত্তিত ৰঙিয়া সমষ্টিৰ শাসকীয় দলৰ প্ৰাৰ্থী তথা মন্ত্ৰী ভৱেশ কলিতাৰ এজেণ্টসকলে ক’ভিড টেষ্ট সম্পূৰ্ণ কৰে । বিজেপিৰ প্ৰাৰ্থী ভৱেশ কলিতাৰ লগতে মুঠ ২৩ গৰাকী এজেণ্টে ক’ভিড টেষ্ট কৰে । নিৰ্বাচন আয়োগে জাৰি কৰা এছঅ'পি অনুসৰি ভোটগণনা কেন্দ্ৰত উপস্থিত থাকিবলৈ সাজু হৈছে এজেণ্টসকল ।
লগতে পঢ়ক : উত্তৰ প্ৰদেশ চৰকাৰক সমালোচনা প্ৰিয়ংকা গান্ধীৰ
