ৰঙিয়া, 7 আগষ্ট : ৰঙিয়া (Rangia)ত শনিবাৰে সংঘটিত এটা ভয়ংকৰ পথ দুৰ্ঘটনা (Road Accident) ৷ আবকাৰী বিষয়াৰ বাহনে মহতিয়ালে মানসিক বিকাৰগ্ৰস্ত লোকক । ৩১ নং ৰাষ্ট্ৰীয় ঘাইপথৰ ৰঙিয়াৰ উৰণীয়া সেঁতুৰ সমীপতে সংঘটিত হৈছে এই দুৰ্ঘটনাটো ।
দুৰ্ঘটনাটোত থিতাতে নিহত এজন মানসিক বিকাৰগ্ৰস্থ লোক । ইফালে দুৰ্ঘটনা সংঘটিত কৰি পথৰ দাঁতিত বাগৰি পৰে বলেৰ’ বাহনখন। অৱশ্যে কথমপি প্ৰাণৰক্ষা পৰে প্ৰশান্ত গগৈ নামৰ আবকাৰী বিষয়াগৰাকী ৷
প্ৰত্যক্ষদৰ্শীৰ ভাষ্য অনুসৰি আবকাৰী বিষয়া প্ৰশান্ত গগৈয়ে মদ্যপান কৰি দ্ৰুতগতিত বাহনখন চলাই আহিছিল ৷ ফলত নিয়ন্ত্ৰণ হেৰুৱাই সংঘটিত হয় দুৰ্ঘটনাটো।
বৰ্তমান নিহত লোকজনৰ পৰিচয় ওলোৱা নাই যদিও পথত ঘূৰি ফুৰা মানসিক বিকাৰগ্ৰস্থ কোনো লোক বুলি জানিব পৰা গৈছে । এই দুৰ্ঘটনাৰ ফলত ব্যাপক যানজঁটৰ সৃষ্টি হয় ৰাষ্ট্ৰীয় ঘাইপথত । দূৰ্ঘটনাগ্ৰস্ত বাহনখন পাঠশালাৰ পৰা গুৱাহাটী অভিমুখে আহি আছিল ।
উক্ত ঘটনাটো স্থানীয় ৰাইজে আৰক্ষীক অৱগত কৰে ৷ ঘটনাস্থলীত আৰক্ষী উপস্থিত হৈ তদন্ত অব্যাহত ৰাখিছে ৷
লগতে পঢ়ক - খাকী পোচাকত কালিমা : উৎকোচ লৈ নিলম্বিত দুই কনিষ্টবল
