দক্ষিণ কামৰূপ,16 এপ্ৰিলঃ দক্ষিণ কামৰূপৰ মিৰ্জাৰ তেল ডিপোত ঘটিল নজিৰবিহীন ঘটনা । মিৰ্জাৰ সোনতলাস্থিত তেল ডিপোত তেলৰ বিপৰীতে ওলাল পানী । কামাখ্যা চাৰ্ভিচ চেণ্টাৰ নামৰ তেল ডিপোত পেট্ৰ'লৰ বিপৰীতে গ্ৰাহকে পালে পানী । এই অভিযোগ স্বয়ং তেল ভৰাবলৈ অহা গ্ৰাহকৰ । সোমবাৰে কাজল তালুকদাৰ নামৰ এজন গ্ৰাহকে নিজৰ AS-25-E-4852 নম্বৰৰ স্কুটি খনত তেল ভৰাই যায় যদিও নিশাৰ ভাগত হঠাৎ গাড়ীখনৰ ইঞ্জিন বন্ধ হৈ যায় আৰু মঙলবাৰে পুৱাৰ ভাগত মেকানিকৰ ওচৰত লৈ আহোতে গাড়ীখনত তেলৰ বিপৰীতে পানী ওলাই যাৰ ফলত তেলৰ নামত পানী দিয়াক কেন্দ্ৰ কৰি সৃষ্টি হয় উত্তপ্ত পৰিস্থিতিৰ । এই ঘটনাই তেল ডিপোত তীব্ৰ উত্তেজনাই বিৰাজ কৰাত ঘটনাস্থলীত পলাশবাৰী আৰক্ষীৰ উপস্থিত হৈ পৰিস্থিতি নিয়ন্ত্ৰণ কৰাৰ লগতে ডিপোটোৰ দুজন কৰ্মচাৰীক সোধ-পোছৰ বাবে আৰক্ষী থানালৈ লৈ যায় ।
উল্লেখ্য যে, বিগত সময়ছোৱাত দক্ষিণ কামৰূপ এই অঞ্চলত এনেধৰণৰ বহু ঘটনা ঘটি আহিছে । ভুক্তভোগী গ্ৰাহকে তেল ডিপোৰ বহু অভিযোগ বিভাগীয় কৰ্তৃপক্ষক দি আহিছিল যদিও কৰ্তৃপক্ষই এনেধৰণৰ তেল ডিপোৰ বিৰুদ্ধে শাস্তিমূলক ব্যৱস্থা গ্ৰহণ কৰা পৰিলক্ষিত হোৱা নাই ।
