ৰঙিয়া, ২৫ ডিচেম্বৰ: ৰঙিয়াৰ কুমাৰপাটাত বুধবাৰৰ পৰা কন্যাসহ সন্ধানহীন হৈছে এগৰাকী মাতৃ । নিৰুদ্দেশ হৈ থকা মহিলাগৰাকী হৈছে ২১ বছৰীয়া জেৰিফা ৱাহেদা আৰু তেওঁৰ ২ বছৰীয়া কন্যা আলিফা জান্নাত । বুধবাৰে দুপৰীয়া কন্যা আলিফাক লগত লৈ দোকানৰ পৰা নিমখ আনিবলৈ ঘৰৰ পৰা ওলাই গৈছিল জেৰিফা । তেতিয়াৰে পৰা সন্ধান নাই দুয়োৰে ।
বহু বিচাৰ খোচাৰ কৰাৰ পিছতো পৰিয়ালৰ লোকে এই পৰ্যন্ত কোনো সন্ধান উলিয়াব পৰা নাই । ঘটনা সন্দৰ্ভত পৰিয়ালে ৰঙিয়া থানাত এজাহাৰ দাখিল কৰিছে যদিও বৰ্তমানলৈকে আৰক্ষীয়ে কোনো শুংসূত্ৰ উলিয়াবলৈ সক্ষম হোৱা নাই । গাঁৱৰ পৰাই হঠাতে মাতৃ-কন্যা নিৰুদ্দিষ্ট হোৱাত চিন্তিত হৈ পৰিছে স্বামীৰ লগতে পৰিয়ালৰ আন লোকসকল । কোনো দুষ্ট চক্ৰই দুয়োকে বহিঃৰাজ্যৰ মানৱ সৰবৰাহকাৰীৰ ওচৰত বিক্ৰী কৰিছে বুলি পৰিয়ালৰ লোকে সন্দেহ কৰিছে ।
লগতে পঢ়ক:কি চাহ খায় আপুনি? চেলেকা চাহ, বান বাতি চাহ নে ভোট জলকীয়া চাহ ?
