ৰঙিয়া,23 মাৰ্চ: ৰঙিয়াত মঙলবাৰে সমাগত নিৰ্বাচনত ভোট দিবলৈ আহ্বান জনাই দোকান-পোহাৰ, বাট-পথত লগ পোৱা সকলোকে সজাগ কৰাৰ চেষ্টা কৰিছে স্থানীয় যুৱক-যুৱতীসকলে । একাংশ যুৱক-যুৱতীৰ এই প্ৰশংসনীয় পদক্ষেপৰ শলাগ লৈছে সচেতন ৰাইজে ।
ৰঙিয়াত ভোটদানক লৈ সজাগতা
গণতান্ত্ৰিক দেশ এখনত ভোটাৰৰ গুৰুত্ব অপৰিসীম । এখন দেশৰ গণতান্ত্ৰিক ব্যৱস্থাটো সুস্থিৰ কৰি ৰখাৰ স্বাৰ্থত ভোটদান অপৰিহাৰ্য । এই উদ্দেশ্য আগত ৰাখি একাংশ নৱ প্ৰজন্মই ৰঙিয়াৰ বাট-পথ, দোকান-পোহাৰ সকলোতে গৈ সজাগতামূলক প্ৰচাৰ অভিযান আৰম্ভ কৰা পৰিলক্ষিত হৈছে ।
ইয়াৰ লগতে, গোহাৰি বিলাই ৰাইজক ভোটাধিকাৰ সাব্যস্ত কৰিবলৈ আহ্বান জনাই যুৱক-যুৱতীসকলে ৷
লগতে পঢ়ক : শিলচৰত নিৰ্বাচনী প্ৰচাৰ চলালে যোগী আদিত্যনাথে
