উত্তৰ গুৱাহাটী, 08 মে': গুৱাহাটীৰ পাচত এইবাৰে উত্তৰ গুৱাহাটীত চোৰ-ডকাইতৰ তাণ্ডৱ ৷ মঠ-মন্দিৰৰ পাচত এইবাৰ চোৰ-ডকাইতৰ টাৰ্গেট বিত্তীয় প্ৰতিষ্ঠান বেংক ৷ মঙলবাৰে নিশা ইউনাইটেড বেংক অৱ ইণ্ডিয়াৰ উত্তৰ গুৱাহাটী শাখাত এটা ডকাইতৰ দলে লুট পাট চলায় ৷
ইউনাইটেড বেংক অৱ ইণ্ডিয়াত ডকাইতৰ তাণ্ডৱ
বেংকৰ গ্ৰীল ভাঙি বেংক ভিতৰত প্ৰৱেশ কৰে ডকাইতৰ দলটোৱে ৷ ডকাইতৰ দলটোৱে বেংকৰ চিচি কেমেৰা ভঙাৰ লগতে কেইবাটাও ল'কাৰ ভাঙে ৷ ইতিমধ্যে ঘটনাস্থলীত আৰক্ষী উপস্থিত হৈ ডকাইতিত ব্যৱহৃত সজুলি জব্দ কৰে ৷ লগতে ডকাইতি সন্দৰ্ভত আৰক্ষীয়ে তদন্ত প্ৰক্ৰিয়া আৰম্ভ কৰিছে ৷
