দক্ষিণ কামৰূপ , 6 আগষ্ট : দক্ষিণ কামৰূপৰ মিৰ্জা আৰ.বি.উচ্চতৰ মাধ্যমিক আৰু বহুমুখী বিদ্যালয়ত দক্ষিণ কামৰূপৰ ঠিকাভিত্তিক শিক্ষকসকলৰ ধৰ্ণা কাৰ্যসূচী ৷ সোমবাৰে বিয়লি দক্ষিণ কামৰূপৰ মিৰ্জাস্থিত আৰ.বি.উচ্চতৰ মাধ্যমিক আৰু বহুমুখী বিদ্যালয়ত দক্ষিণ কামৰূপৰ ঠিকাভিত্তিক শিক্ষক সকলে এক গোট হৈ ৰূপায়ণ কৰে ধৰ্ণা কাৰ্যসূচী ৷ ইয়াৰ পূৰ্বেও কিছুদিন ধৰি তেওঁলোকে গ্ৰহণ কৰি আহিছিল শ্ৰেণী বৰ্জন কাৰ্যসূচী ৷ প্ৰায় পাঁচ হাজাৰ শিক্ষকে বিগত চাৰি মাহে দৰমহা নোপোৱা আৰু চাকৰি নিয়মীয়াকৰণ নোহোৱাৰ প্ৰতিবাদত এই কাৰ্যসূচী গ্ৰহণ কৰে ৷
ঠিকাভিত্তিক শিক্ষকসকলৰ প্ৰতিবাদী কাৰ্যসূচী
'আমাৰ চাকৰি নিয়মীয়া কৰক', 'আমাৰ প্ৰাপ্য মোকলাই দিয়ক' আদি শ্ল'গান দি প্ৰতিবাদীসকলে উত্তাল কৰে প্ৰতিবাদস্থলী ৷ শিক্ষামন্ত্ৰী সিদ্ধাৰ্থ ভট্ৰাচাৰ্যক কঠোৰ সমালোচনা কৰাৰ লগতে পৰৱৰ্তী সময়ত জংগী আন্দোলনৰ হুংকাৰ দিয়ে প্ৰতিবাদকাৰী শিক্ষকসকলে ৷
