বাইহাটা চাৰিআলি, 22 অক্টোবৰঃ বাইহাটা চাৰিআলিত সংঘটিত হৈছে এক শোকাৱহ পথ দুৰ্ঘটনা ৷ পথৰ কাষত খোজ কাঢ়ি থকা মাতৃৰ কেলাৰ পৰা পৰি যোৱা সন্তানক মহতিয়াই নিয়ে তিব্ৰবেগী বাহনে ৷ উল্লেখ্য যে, চাংসাৰিৰ চৌকী গেটৰ চীলা সিন্দুৰীঘোপাটৰ চন্দ্ৰমা কলিতা নামৰ মহিলা গৰাকীয়ে নিজৰ ডেৰ বছৰীয়া শিশুটি কোচত লৈ ৰাষ্টাৰ কাষেৰে খোজ কাঢ়ি আহি আছিল ৷ সেই সময়তেই প্ৰতিযোগীতামূলক ভাবে চলাই অহা ট্ৰাক এখনে চন্দ্ৰমাক খুন্দিওৱাৰ ফলত কোচত থকা শিশুটি কোচৰ পৰা পৰি যায় আৰু মুহূৰ্ততে ট্ৰাক খনে মহতিয়াই থৈ যায় শিশুটোক ৷
বাইহাটা চাৰিআলিত শোকাৱহ পথ দূৰ্ঘটনা
উক্ত ঘটনাক কেন্দ্ৰ কৰি উত্তেজিত ৰাইজে অৱৰোধ কৰে পথ ৷ পৰৱৰ্তী সময়ত পৰিস্থিতি অধিক উত্তেজনাপূৰ্ণ হৈ পৰাত স্থানীয় প্ৰশাসনে অৰ্ধসামৰিক বাহিনী নিয়োগ কৰে ৷ ঘটনাস্থলীত দণ্ডাধীশ উপস্থিত হোৱাৰ পিচতহে উত্তেজনা শাম কাটে ৷
