কামৰূপ, 22 অক্টোবৰঃ এইবাৰ বিলাসী বাহনৰ ভিতৰত ওলাল গৰু ৷ হাজোৰ বৰ্ণিৰ কুৰিহাত ৰাইজৰ সহযোগত আৰক্ষীয়ে উদ্ধাৰ কৰিলে বিলাসী স্কৰপিঅ' বাহনসহ চুৰি গৰু। বিগত সময়ছোৱাত হাজো আৰক্ষীয়ে বিভিন্ন স্থানৰ পৰা প্ৰায় ৫০ টাৰো অধিক চুৰি গৰুসহ কেইবাখনো বিলাসী বাহন জব্দ কৰিবলৈ সক্ষম হৈছিল। পুনৰ মঙলবাৰে হাজোৰ বৰ্ণিৰ কুৰিহাত ৰাইজৰ সহযোগত এখন স্কৰপিঅ' বাহনত এটা গৰু উদ্ধাৰ কৰিবলৈ সক্ষম হয় আৰক্ষীয়ে। যদিও গৰু চোৰ কেইজন পলাই সাৰিবলৈ সক্ষম হয়। এই ঘটনাৰ পাছতেই ৰাইজে বিলাসী বাহনখন ভাঙি লণ্ড ভণ্ড কৰে । এতিয়া এনেদৰে আৰক্ষীৰ চকুত ধূলি দি বিলাসী গাড়ীৰ ভিতৰত গৰু সোমোৱাই একাংশই চলাই আহিছে গৰু চুৰি কাৰ্য। ইতিমধ্যে হাজো আৰক্ষীয়ে গৰুসহ বিলাসী বাহনখন জব্দ কৰি তদন্ত আৰম্ভ কৰিছে ।
স্কৰপিঅ' বাহনৰ ভিতৰত গৰু
