বকো,23 জানুৱাৰী: বকোৰ শিংৰাৰ সমীপৰ শালনিত বৃহস্পতিবাৰে শোকাবহ পথ দুৰ্ঘটনা সংঘটিত হয় । নিয়ন্ত্ৰণ হেৰুৱাই পথৰ দাঁতিৰ শাল গছত খুন্দা অল্ট' বাহনৰ । থিতাতে নিহত এজন যুৱক । গুৰুতৰভাৱে আঘাতপ্ৰাপ্ত আন ৫ জন যুৱক। নিহত যুৱকজনৰ নাম হৈছে নজিৰ হুছেইন । নজিৰৰ ঘৰ পলাশবাৰী পানীখাইটীৰ হেংৰাৰটাৰীত । আঘাতপ্ৰাপ্ত কেইজন হৈছে দিলবৰ আলী, আলী হুছেইন, বাহাৰুল ইছলাম, ৰবিউল হুছেইন আৰু আজগৰ আলী । আহত কেইজনক উন্নত চিকিৎসাৰ বাবে GMCH লৈ ইতিমধ্যে প্ৰেৰণ কৰা হৈছে । জানিব পৰা মতে জলেশ্বৰৰ উৰুছ মেলাৰ পৰা উভটাৰ পথত দুৰ্ঘটনাটো সংঘটিত হয় । দুৰ্ঘটনাত পতিত মাৰুতি অল্ট'খনৰ নম্বৰ AS01-DY-1671 ৷
বকোত শোকাবহ দুৰ্ঘটনা : থিতাতে মৃত্যু এজনৰ
লগতে পঢ়ক:চিৰাঙৰ বিজনীত ড্ৰাগছ সহ আটক সৰবৰাহকাৰী
