ৰঙিয়া, 10 জুনঃ বুধবাৰে ৰঙিয়াৰ চেপ্তি নকুলত জলসিঞ্চনৰ উন্নয়ন পুঁজিৰে দুমহলীয়া পৰিদৰ্শন বঙলাৰ আধাৰশিলা স্থাপন কৰে জিলাখনৰ বিধায়ক তথা জলসিঞ্চন মন্ত্ৰী ভৱেশ কলিতাই । আশা প্ৰকাশ কৰা হৈছে এই নিৰ্মাণ হ'বলগীয়া পৰিদৰ্শন বঙলাটোৰ পৰা বিভাগটোৰ লগতে উপকৃত হ'ব ইয়াৰ স্থানীয় ৰাইজ ।
এই আধাৰশিলা স্থাপন কৰাৰ পাচতেই সংবাদমাধ্যমৰ সৈতে এক বাৰ্তালাপত সমাগত বিটিআৰ নিৰ্বাচনত বিজেপিয়ে "একলা চলো" নীতি মানি অকলেই প্ৰতিদ্বন্দিতা আগবঢ়াব বুলি উল্লেখ কৰে মন্ত্ৰীগৰাকীয়ে । আনহাতে যদি কোনোবাই বিজেপিৰ আদৰ্শ মানিলৈ বিজেপিলৈ আহিব বিচাৰে তেতিয়া হ'লে বিজেপিৰ দুৱাৰ সকলোৰে বাবে খোলা আছে বুলি মন্তব্য প্ৰকাশ কৰে ভৱেশ কলিতাই ।
সমাগত বিটিআৰ নিৰ্বাচনৰ বিষয়ে ক'বলৈ গৈ এনেদৰে মন্তব্য আগবঢ়াই ৰঙিয়াৰ বিধায়ক তথা মন্ত্ৰী ভৱেশ কলিতাই । তেওঁ লগতে কয় যে, বিটিআৰৰ ৰাইজে চালি জাৰি চাইহে আগন্তুক নিৰ্বাচনত নিজৰ প্ৰতিনিধি নিৰ্বাচিত কৰিব ।
