বিহুলৈ মাজত মাত্ৰ কেইটামান দিনঃ মহানগৰীৰ ধাৰাপুৰত বিহু নাচিলে শ্যামন্তিকাই

প্ৰথম বাৰৰ বাবে সৃজনী সংঘৰ উদ্যোগত মহানগৰীৰ ধাৰাপুৰত আঠদিনীয়া কাৰ্যসূচীৰে আয়োজন কৰা বিহু কৰ্মশালাত উপস্থিত থাকে অসমীয়া ছবি জগতৰ প্ৰখ্যাত অভিনেত্ৰী শ্যামন্তিকা শৰ্মা ৷ কৰ্মশালাত অভিনেত্ৰী গৰাকীৰ যোগদানে উৎসাহিত কৰি তুলে কণমানিসকলকো ৷

ধাৰাপুৰ, 8 এপ্ৰিলঃ হেপাঁহৰ ৰঙালী বিহুটিক আদৰাৰ প্ৰাকক্ষণত মহানগৰীৰ ধাৰাপুৰৰ দুৰ্গা মন্দিৰৰ প্ৰাংগণত বিহুৰ কৰ্মশালাৰ আয়োজন কৰা হয় ৷ কৰ্মশালাৰ সামৰণি অনুষ্ঠানত উপস্থিত থাকে অসমীয়া ছবি জগতৰ প্ৰখ্যাত অভিনেত্ৰী শ্যামন্তিকা শৰ্মা ৷ প্ৰথম বাৰৰ বাবে সৃজনী সংঘৰ উদ্যোগত আঠদিনীয়া কাৰ্যসূচীৰে আয়োজন কৰা এই কৰ্মশালাত অংশগ্ৰহণ কৰি আনন্দিত হৈ পৰে অভিনেত্ৰীগৰাকী ৷

কৰ্মশালাত অভিনেত্ৰী গৰাকীৰ যোগদানে উৎসাহিত কৰি তুলে কণমানিসকলকো ৷ শ্যামন্তিকাৰ লগত কঁকাল ভাগি বিহু নৃত্যত অংশগ্ৰহণ কৰে মহানগৰীৰ বিভিন্ন প্ৰান্তৰ কণমানিসকলে ৷