বকো,9জানুৱাৰী: শুকুৰবাৰে অসম-মেঘালয় সীমান্তৱৰ্তী বকোৰ হাহিমত অনুষ্ঠিত হয় প্ৰাইজমানি দিবা-নৈশ দ্বৈত বেডমিণ্টন প্ৰতিযোগিতা ৷ পোন প্ৰথমবাৰৰ বাবে অসম-মেঘালয় সীমান্তৱৰ্তী বকোৰ হাহিমত যোৱা ৬ জানুৱাৰীৰ পৰা তিনিদিনীয়াকৈ অনুষ্ঠিত হৈছিল এই প্ৰতিযোগিতাখনি ৷ হাহিম বেডমিণ্টন ক্লাৱে আয়োজন কৰা কৰা প্ৰতিযোগিতাখনত অসম আৰু মেঘালয় ৰাজ্যৰ ২৫টাকৈ দলে অংশ গ্ৰহণ কৰিছিল ৷
ইপিনে, প্ৰাইজমানি দিবা-নৈশ দ্বৈত বেডমিণ্টনৰ চূড়ান্ত প্ৰতিযোগিতাত বিজয়ী হয় বকোৰ জয় সৰকাৰ আৰু অজয় বাচফৰ ৷ তদুপৰি দ্বিতীয় স্থান লাভ কৰে মিৰ্জাৰ পাৰ্থ প্ৰতীম কুমাৰ আৰু অংকুৰ মহন্তই ৷ আনহাতে, প্ৰতিযোগিতাখনে দুয়োখন ৰাজ্যৰ নাগৰিকৰ মাজত একতা বৃদ্ধি কৰাত সহায়ক হোৱাৰ লগতে এই প্ৰতিযোগিতাই ডেকাসকলক খেলৰ প্ৰতি আগ্ৰহী কৰি তুলিব বুলি উদ্যোক্তাই আশা প্ৰকাশ কৰিছে ৷
লগতে পঢ়কঃ ৰাইজৰ দলৰ নতুন কমিটি ঘোষণা
