তিনি বজাৰ শীৰ্ষ দহটা বাতৰি...

তিনি বজাৰ শীৰ্ষ দহটা বাতৰি...

বাঘজান তেল খাদত সংঘটিত হোৱা ভয়ংকৰ গেছ নিৰ্গমন তথা অগ্নিকাণ্ডৰ ঘটনাৰ সন্দৰ্ভত প্ৰতিক্ৰিয়া প্ৰকাশ কৰিছে অসমৰ বন মন্ত্ৰী পৰিমল শুক্লবৈদ্যই ৷

বুধবাৰে নিশাও সীমান্ত অঞ্চলত পাক সেনাই সৰু অস্ত্ৰ তথা মৰ্টাৰেৰে আক্ৰমন কৰে। সীমান্তৰ নাওচেৰা, বালাকোট আদি চেক্তৰৰ নিয়ন্ত্ৰণ ৰেখাৰ সমীপত থকা প্ৰায় ১২ খনৰো অধিক গাঁৱত আক্ৰমন চলাই পাক সেনাই ।

বিগত তিনিমাহে দৰমহা লাভৰ পৰা বঞ্চিত হৈ আছে কস্তুৰবা হাস্পতালৰ আবাসিক চিকিৎসকসকলে । যদি ১৬ জুনৰ ভিতৰত তেওঁলোকক হাস্পতাল কৰ্তৃপক্ষই দৰমহা আদায় নিদিয়ে তেন্তে সমূহীয়া পদত্যাগ কৰাৰ হুংকাৰ চিকিৎসকসকলৰ ।

আই আই টি গুৱাহাটীৰ তিনি শিক্ষাৰ্থীৰ অভিনৱ উদ্ভাৱন ৷ বিমান যাত্ৰীক সকাহ দিয়াৰ উদ্দেশ্যে প্ৰতিষ্ঠান খনৰ তিনিজন ছাত্ৰই মিলি উদ্ভাৱন কৰিছে FLYZY নামৰ এটা বিশেষ ম'বাইল এপ ৷ এই এপটোৰ জৰিয়তে প্ৰত্যক্ষ সম্পৰ্ক নৰখাকৈয়ে বিমান যাত্ৰী সকলে লাভ কৰিব পাৰিব বিভিন্ন সুবিধা ৷

নলবাৰীত দীৰ্ঘদিনৰ পৰা বন বিভাগৰ ছত্ৰছায়াত চলিছে লুণ্ঠনৰাজ । এক ষ্টিং অপাৰেচনত ফাদিল হৈছে বন বিভাগ আৰু কাঠফলা মিলৰ গৰাকীৰ মাজত থকা বুজাবুজিৰ কাহিনী ৷ জিলাখনৰ অবৈধ কাঠফলা মিলৰ পৰা বিভাগে মাহিলী হিচাপত মধ্যভোগীৰ হতুৱাই আদায় কৰে ধন ।

গুৱাহাটীৰ পৰা নলবাৰী অভিমুখী AS-01DH-8102 নম্বৰৰ এখন মাৰুতি K10 গাড়ীয়ে পিছফালৰ পৰা প্ৰচণ্ড জোৰে খুন্দিয়াই থৈ যায় এগৰাকী বাইক আৰোহীক ।

গোলাঘাটত প্ৰশাসনৰ চকুত ধূলি মাৰি একাংশই অব্যাহত ৰাখিছে বনজ সম্পদৰ লুণ্ঠন ৷ বৃহৎ পৰিমাণৰ শিল-বালি কঢ়িয়াই অনা চাৰিখন ট্ৰাক বৃহস্পতিবাৰে জব্দ কৰে বন বিভাগে ৷ এই সম্পৰ্কত বিভাগীয় ব্যৱস্থা গ্ৰহণ কৰিব বুলি বন বিষয়া ভাস্কৰ ডেকাই সংবাদমাধ্যমক জনায় ৷

শেহতীয়াকৈ জনপ্ৰিয় অভিনেতা চনু চুডে মুম্বাইৰ পৰা হোজাইলৈ 40 জন শ্ৰমিকক প্ৰেৰণ কৰিছে ৷ চনু চুডৰ এই মহানতাই সম্প্ৰতি বহুজনৰ প্ৰশংসা বুটলিবলৈ সক্ষম হৈছে ৷

বৰপেটা জিলাৰ পালহাজীলৈ যোৱা পথটো দীৰ্ঘদিন ধৰি জৰাজীৰ্ণ হৈ থকাৰ পিচত, আকস্মিকভাৱে পথটোৰ মেৰামতিৰ কাম আৰম্ভ কৰিলে গড়কাপ্টানি বিভাগে ৷

বছৰৰ প্ৰথমটো বানৰ কৱলত কাজিৰঙা ৰাষ্ট্ৰীয় উদ্যান ৷ কাজিৰঙাত বৃদ্ধি পাইছে ব্ৰহ্মপুত্ৰৰ জলস্তৰ ।