পাঁচ বজাৰ শীৰ্ষ দহটা বাতৰি...
বিজয়া দশমী উপলক্ষে ডিব্ৰুগড়ত ড্ৰাই ডে' ঘোষণা
14 আৰু 15 অক্টোবৰত ড্ৰাই ডে' ঘোষণা ডিব্ৰুগড় জিলা প্ৰশাসনৰ ৷ এই দুটা দিনত হোটেল, ক্লাৱ আদিকে ধৰি সকলোতে সুৰা বিক্ৰী বা সেৱনত নিষেধাজ্ঞা ঘোষণা কৰিছে প্ৰশাসনে ৷ নিৰ্দেশ ভংগ কৰাসকলৰ বিৰুদ্ধে কঠোৰ ব্যৱস্থা গ্ৰহণ কৰাৰ লগতে অনুজ্ঞাপত্ৰ পৰ্যন্ত বাতিল কৰিব প্ৰশাসনে ৷
উপ-নিৰ্বাচন : ফণী তালুকদাৰৰ বিৰুদ্ধে ভুল তথ্য দাখিলৰ অভিযোগ
তৃণমূল কংগ্ৰেছৰ দাবী, মনোনয়নৰ সৈতে দাখিল কৰা শপতনামাত ভুল তথ্য দিছে ফণী তালুকদাৰে । এই সন্দৰ্ভত তৃণমূল কংগ্ৰেছে নিৰ্বাচন আয়োগৰ ওচৰত দাখিল কৰিছে এক অভিযোগ ।
ৰাজকন্যা কাণ্ড : যোছেফ মাৰাকৰ কৃত্রিম ভৰি লগোৱাৰ দায়িত্ব ল'লে ৰাজ্য চৰকাৰে
ৰাজকন্যা বৰুৱাই গুৱাহাটীৰ ৰুক্মিণীগাঁৱত সংঘটিত কৰা দুৰ্ঘটনাৰ বাবে দুয়োখন ভৰি হেৰুওৱা যোছেফ মাৰাকক কৃত্ৰিম ভৰি প্ৰদানৰ সিদ্ধান্ত লৈছে ৰাজ্য চৰকাৰে ৷ বৰ্তমান জি এম চি এইচত চিকিৎসাধীন হৈ আছে যোছেফ ৷
GMCH ৰ পৰা ৰিলিজ দিয়া হৈছে ৰৌণক আলী হাজৰিকাক
পুনৰ জেৰাৰ সন্মুখীন হ'ব নিলম্বিত উপ-আৰক্ষী মহাপৰিদৰ্শক ৰৌণক আলী হাজৰিকা । জি এম চি এইচত বিগত এসপ্তাহ ধৰি চলা চিকিৎসাৰ পাছত তেওঁক ৰিলিজ দিয়া হয় । বৰ্তমান তেওঁ সুস্থ বুলি চিকিৎসালয় কৰ্তৃপক্ষই জানিবলৈ দিয়ে।
IPL 2021 : Qualifier 2 ত Kolkata Knight Riders বনাম Delhi Capitals
IPL 2021 ৰ ফাইনেলৰ বাবে বুধবাৰে সমুখ সমৰত অৱতীৰ্ণ হ'ব Kolkata Knight Riders আৰু Delhi Capitals ৷ বুধবাৰে সন্ধিয়া 7.30 বজাৰ পৰা Sharjah Cricket Stadium ত দুয়োটা দলে পৰস্পৰৰ বিৰুদ্ধে Qualifier 2 খেলখনত নামিব ৷
আকাশলংঘী মূল্যবৃদ্ধিয়ে প্ৰভাৱিত কৰিছে মিঠাইৰ ব্যৱসায়ীক
সামগ্ৰীৰ আকাশলংঘী মূল্যবৃদ্ধিয়ে সম্প্ৰতি মাধমাৰ শোধাইছে জনতাৰ মূৰত ৷ সামগ্ৰীৰ মূল্যবৃদ্ধিয়ে প্ৰভাৱ পেলাইছে ইয়াৰ দ্বাৰা প্ৰস্তুত কৰা সামগ্ৰীৰ ওপৰতো ৷ যাৰ বাবে পূজাৰ বতৰত মিঠাই কিনিবলৈ চিন্তা কৰিবলগীয়া হৈছে সাধাৰণ জনতাই ৷ অত্যাধিক হাৰত বৃদ্ধি পাইছে মিঠাইৰ দাম ৷
ভাৰতত নতুনকৈ ১৫,৮২৩ গৰাকী লোক কৰ'ণাত আক্ৰান্ত
যোৱা ২৪ ঘণ্টাত দেশত নতুনকৈ কৰ'ণাত ১৫,৮২৩ গৰাকী লোক আক্ৰান্ত হৈছে আৰু ২২৬ গৰাকী কৰ'ণা ৰোগীৰ মৃত্যু হৈছে । এটা দিনত কেৰালাত সৰ্বাধিক ৭,৮২৩ গৰাকী লোক কৰ'ণাত আক্ৰান্ত হৈছে । এতিয়ালৈ দেশত ৯৬.৪৩ কোটি ক'ভিড প্ৰতিষেধকৰ পালি প্ৰদান কৰা হৈছে ।
আৰিয়ান খান ক্ৰুজ ড্ৰাগছ গোচৰত প্ৰধানমন্ত্ৰীক লক্ষ্য শত্ৰুঘ্ন সিনহাৰ
আৰিয়ান খান(Aryan Khan)ক সমৰ্থন বলীউডৰ প্ৰসিদ্ধ অভিনেতা তথা ৰাজনৈতিক নেতা শত্ৰুঘ্ন সিনহা(Shatrughan Sinha)ৰ ৷ বৰ্তমান আৰিয়ানৰ পিতৃ কিং খান শ্বাহৰুখ খানক ছবিজগতৰ যথেষ্ট সমৰ্থনৰ প্ৰয়োজন ৷ কিন্তু গোডী মিডিয়া(Godi Media)ৰ বাবে কোনেও সমৰ্থনৰ বাবে আগবাঢ়ি আহিবলৈ সাহস কৰা নাই বুলি এক সাক্ষাৎকাৰযোগে মন্তব্য কৰে অভিনেতাগৰাকীয়ে ৷
যোৰহাটত উপস্থিত Super Dancer Chapter 4 ৰ বিজয়ী ফ্ল‘ৰিনা গগৈ
যোৰহাটত উপস্থিত Super Dancer Chapter 4 ৰ বিজয়ী ফ্ল’ৰিনা গগৈ । Super Dancer Chapter 4 ত প্ৰথম স্থান লাভ কৰি যোৰহাট তথা অসমলৈ গৌৰৱ কঢিয়াই অনা ফ্ল’ৰিনা গগৈ বুধবাৰে উপস্থিত হয় গৃহ চহৰত । যোৰহাটৰ বৰুৱা চাৰিআলিত যোৰহটীয়া ৰাইজে সম্বৰ্ধনা জনাই ফ্ল’ৰিনাক ৷ তাৰ পাচতেই যোৰহাটৰ পৰা মৰিয়নীলৈ এক বিশাল ৰেলী বাহিৰ কৰে ফ্ল’ৰিনা গগৈ ফেন ক্লাবে ৷
বৃহস্পতিবাৰে ভাৰত-আমেৰিকাৰ অৰ্থনৈতিক আৰু বিত্তীয় অংশীদাৰিত্বৰ বৈঠক
আমেৰিকা যুক্তৰাষ্ট্ৰৰ কোষাগাৰ সচিব জেনেট য়েলেনৰ সভাপতিত্বত আমেৰিকাত অনুষ্ঠিত হ'ব ভাৰত আৰু আমেৰিকাৰ অৰ্থনৈতিক আৰু বিত্তীয় অংশীদাৰিত্বৰ বৈঠক । বৈঠকত উপস্থিত থাকিব ভাৰতৰ কেন্দ্ৰীয় বিত্তমন্ত্ৰী নিৰ্মলা সীতাৰমণ ।
