দুপৰীয়া 1 বজাৰ শীৰ্ষ 10 বাতৰি

দুপৰীয়া 1 বজাৰ শীৰ্ষ 10 বাতৰি

অন্ধ্ৰ প্ৰদেশ আৰু গুজৰাটৰ চাৰিখন, মধ্য প্ৰদেশ আৰু ৰাজস্থানৰ তিনিখন, ঝাৰখণ্ডৰ দুখন আৰু মনিপুৰ, মিজোৰাম আৰু মেঘালয়ৰ এখনকৈ আসনৰ বাবে নিৰ্বাচন অনুষ্ঠিত হৈছিল ৷শাসনাধিষ্ঠ ৱাইএছআৰ (YSR) কংগ্ৰেছে অন্ধ্ৰ প্ৰদেশত চাৰিখনেই আসন লাভ কৰিবলৈ সক্ষম হৈছে ৷

শুকুৰবাৰে উত্তৰ প্ৰদেশৰ এটাহত সংঘটিত ভয়ংকৰ দুৰ্ঘটনা । নিৰ্মাণৰত অৱস্থাত খহি পৰে উৰণীয়া সেঁতুৰ এটা অংশ । ফলত বহু সংখ্যক লোক আহত হোৱাৰ উপৰিও খহি পৰা অংশৰ তলত থকা পথাচাৰী তথা উৰণীয়া সেঁতু নিৰ্মাণকাৰ্যত নিয়োজিত কৰ্মচাৰীকে ধৰি বহু সংখ্যক যান-বাহন থকাৰ আশংকা ৷

শুকুৰবাৰে ৰাজস্থান ৰাজ্যসভা নিৰ্বাচনত পিপিই কীট পৰিধান কৰি ভোটদান সাব্যস্ত কৰিলে প্ৰাক্তন বিএছপি বিধায়ক ৱাজিব আলীয়ে । ১৮ জুনত অষ্ট্ৰেলিয়াৰ পৰা ভাৰতলৈ অহা প্ৰাক্তন বিধায়ক গৰাকীয়ে মহামাৰী আইন উংলঘা কৰি ভোটদান সাব্যস্ত কৰাৰ অভিযোগ উত্থাপন কৰে ৱাজিব আলীৰ বিৰুদ্ধে ।

শুকুৰবাৰে কলিয়াবৰত পুনৰ 2 জন লোকৰ দেহত ধৰা পৰে কোভিড-19 ৰ অৱস্থিতি ৷ ইয়াৰে এগৰাকী মহিলা আৰু আনগৰাকী বহিঃ ৰাজ‍্যৰ পৰা অহা যুৱক।

পথত আৱদ্ধ হৈ পৰা পানীত দুদিন ধৰি বুৰ গৈ আছে টীয়কৰ বঙালী গাঁৱৰ সমীপত 37 নং ৰাষ্ট্ৰীয় ঘাইপথ ৷ ইয়াৰ লগতে টীয়ক নগৰৰ দক্ষিণ-পূৱ কোণত থকা লেতেকু পথাৰ সমীপত মেৰামতি বিহীনভাৱে থকা টীয়ক নদীৰ মথাউৰিৰে নগৰাঞ্চললৈ বৈছে বাঢ়নী পানীৰ সোঁত ৷

হোজাই জিলাৰ নীলবাগান -মোৰাঝাৰ গড়কাপ্তানী পথত ভয়ংকৰ পথ দুৰ্ঘটনা ৷ AS 01 AC 3927 নম্বৰ ডাম্পাৰ গাড়ী খনে এগৰাকী স্কুটি চালকক মহতিয়াই নিয়াৰ ফলত থিতাতে নিহত হয় স্কুটী চালক জনৰ ৷

গোৰেশ্বৰত পুনৰ এগৰাকী ব্যক্তিৰ দেহত COVID-19ৰ উপস্থিতি । বহিঃৰাজ্য পৰা আহি হোম কোৱাৰেন্টাইনত থকা অৱস্থাতে লাভ কৰে ভাইৰাছৰ উপস্থিতি ।

বৰপেটা জিলাৰ সৰ্থেবাৰী আৰক্ষী থানাৰ অন্তৰ্গত ৰাউলীত শুকুৰবাৰে নিশা সংঘটিত হয় এক শোকাবহ পথ দুৰ্ঘটনা । পথ দুৰ্ঘটনাটোত থিতাতে নিহত এজন পথচাৰী । নিহত লোকজন ভকুৱাটেপাৰ খনীন নাথ (৪৫) বুলি জানিব পৰা গৈছে ।

বিটিচি নিৰ্বাচনৰ আচৰনবিধি বলবৎ থকাৰ মাজতে চিৰাঙত বিপিএফ দলৰ গুদামঘৰত আৰক্ষীৰ অভিযান । বৃহৎ পৰিমানৰ টিন, সুতা, কম্বল আৰু আঠুৱা জব্দ । বিটিচি নিৰ্বাচন উপলক্ষে বিপিএফ দলে এই সামগ্ৰী সমূহ মজুত কৰাৰ অভিযোগ ।

জনীয়া সমষ্টিৰ বৰভিটা গাঁও পঞ্চায়তৰ এলেকাধীন কেইবাটাও পথৰ দুৰৱস্থাই জীয়াতু ভোগাই আহিছে বৰভিটা পঞ্চায়তবাসীক । এজাক কিনকিনীয়া বৰষুণতেই কদৰ্যময় হৈ পৰে বিধস্ত পথছোৱা ।