তিনি বজাৰ শীৰ্ষ দহটা বাতৰি...

তিনি বজাৰ শীৰ্ষ দহটা বাতৰি...

নগাঁও জিলা অগপৰ কাৰ্যালয়ত প্ৰাক্তন মুখ্য়মন্ত্ৰী প্ৰফুল্ল কুমাৰ মহন্তৰ উপস্থিতিত অনুষ্ঠিত হৈ যায় এক কাৰ্যকৰী সভা । কিন্তু উক্ত সভাত উপস্থিত থকা দেখা নগ’ল মন্ত্ৰী কেশৱ মহন্তক। সভাখনত আঞ্চলিক দলটোক শক্তিশালী কৰাৰ সন্দৰ্ভত আলোচনা কৰে নগাঁও জিলা অগপৰ কৰ্মকৰ্তাসকলে ৷

শেহতীয়া পৰিস্থিতিৰ সময়তো হাৰ নমনাকৈ জীৱন সংগ্ৰাম চলাই নিবলৈ সক্ষম হৈছে ৰঙিয়াৰ জনপ্ৰিয় গায়ক বিকুল শইকীয়া ৷ জীৱিকা নিৰ্বাহৰ স্বাৰ্থত বিকুলে নিজ ঘৰতে আৰম্ভ কৰে গ্ৰীন জ’ন নামেৰে এখন নাৰ্চাৰী ৷ অতি কম সময়ৰ ভিতৰতে নাৰ্চাৰীখনে গ্ৰাহকৰ সমাদৰ লাভ কৰিবলৈ সক্ষম হোৱাৰ লগতে সংস্থাপিত হৈছে অন্য দহগৰাকী ব্যক্তি ৷

বিশ্বনাথ কোভিড-১৯ আক্ৰান্ত লোকক চিকিৎসাৰ বাবে কোভিড চিকিৎসালয়লৈ প্ৰেৰণ । আতংকিত বিশ্বনাথবাসী । কোনো সামাজিক দুৰত্ব নাই বিশ্বনাথত তীব্ৰ সমালোচনা সচেতন মহলৰ ৷

মহানগৰীত ব্ৰহ্মপুত্ৰৰ জলস্তৰ ভয়াবহভাৱে বৃদ্ধি পাই আছে । বৰ্তমান গুৱাহাটীত ব্ৰহ্মপুত্ৰ নদীৰ জলস্তৰ বিপদ সীমাৰ পৰা ৩৮ ছেন্টিমিটাৰ ওপৰেৰে বৈ আছে। যোৱা ২৬ জুন তাৰিখে গুৱাহাটীত ব্ৰহ্মপুত্ৰৰ জলস্তৰ বিপদ সীমা অতিক্ৰম কৰিছিল। প্ৰতি ঘণ্টাত ২-৩ ছেন্টিমিটাৰকৈ বৃদ্ধি পাই আছে জলস্তৰ।

গোলাঘাটৰ সৰুপথাৰ বিধানসভা সমষ্টিৰ অন্তৰ্গত মৰঙি মৌজাৰ মুৰফুলনী পঞ্চায়তৰ অন্তৰ্গত ফুলবাৰী আৰু মুৰফুলনী সংযোগী পথটোৱে জ্বলা কলা খোৱাইছে জনতাক ৷ প্ৰায় কুৰিখন গাঁৱৰ যোগাযোগৰ একমাত্ৰ এই পথটোৰে দৈনিক শ শ লোকে যাতায়ত কৰে ৷

দেওবাৰে দৰঙত অনুষ্ঠিত হ'ল এখন ব্যতিক্ৰমী বিবাহ ৷ গাড়ী-ঘোঁৰা-হাতী নহয়, কলৰ ভুৰত উঠি আহিল দৰা ৷ প্ৰলয়ংকৰী বানৰ বাবে ছিপাঝাৰ সমষ্টিৰ কুমাৰপাৰা গাঁৱৰ পৰা দৰা সাজি বগাছলা গাঁৱলৈ কলৰ ভুৰত ৰাওনা হয় নুৰ আলম ৷

চিৰাঙত বুজন পৰিমাণৰ চোৰাং কাঠ জব্দ । ৰাজ্যপালৰ নিৰ্দেশৰ পিচতে কঠোৰ বন বিভাগ আৰু বিভিন্ন বেচৰকাৰী সংস্থা।

যোৰহাটৰ বজাৰত অত্যাৱশ্যকীয় খাদ্য সামগ্ৰীৰ মূল্যবৃদ্ধিয়ে সকলোৰে চকু কঁপালত তুলিছে । লক ডাউনৰ গইনা লৈ চহৰখনৰ একাংশ অসাধু ব্যৱসায়ীয়ে বৃদ্ধি কৰিছে নিতান্তই প্ৰয়োজনীয় খাদ্য সামগ্ৰীৰ মূল্য ৷ অত্যাৱশ্যকীয় খাদ্য সামগ্ৰীৰ মূল্যবৃদ্ধিৰ প্ৰতিবাদ আছুৰ ৷ যোগান মন্ত্ৰীৰ প্ৰতিকৃতি দাহ ।

কাজিৰঙা আৰু ডিব্ৰু ছৈখোৱা ৰাষ্ট্ৰীয় উদ্যানৰ বিস্তৃৰ্ণ অঞ্চল বৰ্তমানো জলমগ্ন হৈ আছে ৷ ৰাষ্ট্ৰীয় উদ্যান দুখনৰ বন্য প্ৰাণীয়ে নিৰাপদ স্থানৰ সন্ধানত যাত্ৰা কৰিছে ওখ স্থানলৈ ৷

বঙাইগাঁৱত ৰেল বিভাগৰ দায়িত্বজ্ঞানহীনতাই জীয়াতু ভুগাইছে সাধাৰণ ৰাইজক ৷ মুঠ পাঁচটা ৰেলৰ সুৰংগ পথৰ আটাইকেইটাতে জমা হয় পানী ৷ ফলত পণবন্দী হ'বলগা হৈছে স্থানীয় ৰাইজ ৷