পুৱাৰ 11 বজাৰ শীৰ্ষ 10 বাতৰি

পুৱাৰ 11 বজাৰ শীৰ্ষ 10 বাতৰি

এক ভিডিঅ' বাৰ্তাত শইকীয়াই কয় যে ডঃ হিমন্ত বিশ্ব শৰ্মা আৰু বিজেপিৰ একাংশ শীৰ্ষ নেতাই কংগ্ৰেছ আৰু আন কেতবোৰ দলৰ বিধায়কক কিনা-বেচা কৰি মণিপুৰত চৰকাৰ গঠন কৰিছিল ৷

আজি পুৱা 10:30 বজাত 'ভইছ অৱ নৰ্থ ইষ্ট'ৰ সহযোগত আয়োজন কৰা হ'ব এক চীন বিৰোধী ৰেলী ৷ তিন মূৰ্তি চৌকৰ পৰা ভাৰতস্থিত চীনা দূতাবাসলৈ এই ৰেলীৰ আয়োজন কৰা হ'ব ৷

কলিকতাৰ চাইনা টাউনৰ চীনা-ভাৰতীয় নাগৰিক সকলে মন্তব্য কৰিছে যে, তেওঁলোকে শান্তি বিচাৰে, যুদ্ধ নহয় ৷ প্ৰায় 2 হাজাৰ চীনা-ভাৰতীয় নাগৰিক কলিকতাৰ চাইনা টাউনত বাস কৰে ৷

ভাৰত-চীন সংঘৰ্ষত শ্বহীদ হোৱা দীপক সিঙৰ মৃতদেহ লৈ এটি সৈন্যৰ দল আগবাঢ়িছে মধ্য প্ৰদেশৰ ৰেৱা জিলালৈ । শুকুৰবাৰে অন্তিম সৎকাৰ কৰা হ'ব শ্বহীদ গৰাকীৰ ।

চীনা সীমান্তত ভাৰতৰ 20 গৰাকী ভাৰতীয় সেনা জোৱান শ্বহীদ হোৱাৰ পাচত চীনৰ বিৰুদ্ধে সৰ্বত্তে ধিক্কাৰ আৰু ক্ষোভৰ জোৱাৰ উঠিছে । সমগ্ৰ দেশতে বিভিন্ন লোক, দল সংগঠন আদিয়ে চীনা সামগ্ৰী বৰ্জন কৰিবলৈ আহ্বান জনাইছে ।

গালৱান সংঘৰ্ষৰ ফলত চীনে জনাই যে,এই সপ্তাহৰ আৰম্ভণিতে ভাৰত-চীনৰ সংঘৰ্ষৰ শান্তিপূৰ্ণ আলোচনা কৰাৰ বাবে চেষ্টা চলাব । সাংবাদিক সন্মিলনত বিদেশ মন্ত্ৰালয়ে জনোৱা অনুসৰি,দুয়োখন দেশে সংঘৰ্ষৰ শান্তি পূৰ্ণ আলোচনাৰ কৰাৰ বাবে সন্মতি প্ৰকাশ কৰিছে ।

ভাৰত-চীনৰ মাজত সৃষ্টি হোৱা সংঘৰ্ষ সম্পৰ্কত মুখ খুলিছে মহাৰাষ্ট্ৰৰ মুখ্যমন্ত্ৰী তথা শিৱ সেনাৰ নেতা উদ্ধৱ থাকৰে । মুখ্যমন্ত্ৰী গৰাকীয়ে জনোৱা অনুসৰি,গালাৱান সংঘৰ্ষ সম্পৰ্কত বৰ্তমানেও কেন্দ্ৰীয় চৰকাৰে সম্পূৰ্ণ তথ্য প্ৰকাশ কৰা নাই ।

মুম্বাইস্থিত এছিয়াৰ সৰ্ববৃহৎ বস্তি অঞ্চল ধাৰৱীত পুনৰ 28 জন লোকৰ দেহত ধৰা পৰিছে কোভিড-19 ৰ অৱস্থিতি ৷ ইয়াৰ লগে লগে বস্তিটোত কোভিড-19 ত আক্ৰান্তৰ সংখ্যা হয় 2 হাজাৰ 134 গৰাকী ৷

দিল্লীত বৃহস্পতিবাৰে মহামাৰী COVID-19 ত নতুনকৈ আক্ৰান্ত হয় ২,৮৭৭ গৰাকী । যাৰ পৰিপ্ৰেক্ষিতত ৰাজধানীখনত মুঠ কৰ'ণা আক্ৰান্তৰ সংখ্যা ৪৯,৯৭৯ গৰাকীলৈ বৃদ্ধি পাই বুলি সদৰি কৰে স্বাস্থ্য বিভাগে ।

ছাগলী আনিবলৈ গৈ পানীত পৰি মৃত্যু এগৰাকী প্ৰতিভা সম্পন্ন কিশোৰী শিল্পীৰ ৷ বাইহাটা চাৰিআলিৰ বৰহাটা গাঁৱত সংঘটিত হৈছে এই শোকাৱহ ঘটনাটো ৷