গুৱাহাটী,21 নৱেম্বৰ: বুধবাৰে গুৱাহাটীৰ বশিষ্ঠত ভাৰতীয় জনতা পাৰ্টি অসম প্ৰদেশৰ নতুন মুখ্য কাৰ্যালয় ভৱনৰ নিৰ্মাণকাৰ্যৰ শুভাৰম্ভণি কৰে মুখ্যমন্ত্ৰী সৰ্বানন্দ সোণোৱালে । এই অনুষ্ঠানত উপস্থিত ৰাজ্যিক সভাপতি ৰণজিৎ দাস, মন্ত্ৰী নৱ কুমাৰ দলৈ, দিশপুৰ সমষ্টিৰ বিধায়ক অতুল বৰা, বিধায়ক ড৹ নোমল মমিন আৰু ৰাজ্যিক সাংগঠনিক সম্পাদক ফনীন্দ্ৰ শৰ্মাৰ লগতে বিজেপিৰ প্ৰায় সকলো কৰ্মকৰ্তা । অতি অত্যাধুনিক পদ্ধতিৰে নিৰ্মাণ কৰা হ'ব এই ভৱনটো । যত সকলো সা সুবিধা উপলব্ধ থকাৰ লগতে প্ৰতিটো স্তৰৰ বাবে পৃথক পৃথক কাৰ্যালয় থাকিব । বিজেপিৰ ৰাষ্ট্ৰীয় কাৰ্যালয়ৰ আৰ্হিতে নিৰ্মাণ কৰা হ'ব এই নতুন কাৰ্যালয়ৰ ভৱন । আগন্তুক দুই বছৰৰ ভিতৰত নিৰ্মাণ সম্পূৰ্ণ হৈ উঠাৰ সম্ভাৱনা আছে ভৱনটোৰ । ৰাজ্যিক বিজেপিৰ সূত্ৰই জনোৱা অনুসৰি আগন্তুক নিৰ্বাচনৰ কাম নতুন ভৱনৰ পৰাই সম্পাদিত কৰা হ'ব । মুঠৰ ওপৰত অসমৰ মানচিত্ৰত সকলো ৰাজনৈতিক দলৰ ভিতৰত অত্যাধুনিক আৰু বৃহৎ ভৱন ৰূপে পৰিগণিত হ'ব বিজেপিৰ এই নতুন ভৱনটো ।
আৰু পঢ়ক ব্যক্তিগতকৰণ নহয় নুমলীগড় তেল শোধনাগাৰঃ নিৰ্মলা সীতাৰমণ
