গুৱাহাটী, ২৭ নৱেম্বৰ: বক্ৰ পথেৰে APSCৰ চাকৰি লোৱা দুই অতিৰিক্ত আৰক্ষী অধীক্ষক ঐশ্বর্য জীৱন বৰুৱা আৰু শ্বাহজাহান সৰকাৰ গ্ৰেপ্তাৰ হোৱাৰ পিছত এইবাৰ দুই ACS বিষয়া আকাশী দুৱৰা আৰু ত্ৰিদীপ ৰয়ৰ পাল ৷ বিশেষ তদন্ত গোট (SIT)ৰ জাননী মতে মঙলবাৰে দুই ACS বিষয়া আকাশী দুৱৰা আৰু ত্ৰিদীপ ৰয় হাজিৰ হ'ব লাগিব SIT ৰ ওচৰত ৷
মঙলবাৰে আকৌ আৰক্ষীৰ জিম্মাৰ পাঁচদিনৰ ম্যাদ শেষ হ'বলগীয়া দুই অতিৰিক্ত আৰক্ষী অধীক্ষক ঐশ্বর্য জীৱন বৰুৱা আৰু শ্বাহজাহান সৰকাৰক SITয়ে সত্ৰ ন্যায়াধীশৰ আদালতত হাজিৰ কৰাব ৷
উল্লেখ্য যে আদালতে দুই অতিৰিক্ত আৰক্ষী অধীক্ষক ঐশ্বর্য জীৱন বৰুৱা আৰু শ্বাহজাহান সৰকাৰক জেললৈ প্ৰেৰণ কৰাৰ সম্ভৱনাই বেছি ৷ দুই অতিৰিক্ত আৰক্ষী অধীক্ষক ঐশ্বর্য জীৱন বৰুৱা আৰু শ্বাহজাহান সৰকাৰ কাইলৈ জেললৈ যোৱাৰ পিছত দুই ACS বিষয়া আকাশী দুৱৰা আৰু ত্ৰিদীপ ৰয় SITৰ জেৰাৰ সম্মুখীন হ'ব ৷
ইতিমধ্যে SITয়ে দুই ACS বিষয়া আকাশী দুৱৰা আৰু ত্ৰিদীপ ৰয়ক জেৰা কৰাৰ বাবে সকলো ব্যৱস্থা সাজু কৰি তুলিছে ৷ আৰক্ষীৰ বিশেষ শাখাৰ এক সূত্ৰৰ পৰা জানিব পৰা মতে বক্ৰ পথেৰে APSCৰ চাকৰি লোৱা দুই ACS বিষয়া আকাশী দুৱৰা আৰু ত্ৰিদীপ ৰয় SITৰ সমুখত হাজিৰ হোৱাৰ পিছত বিভিন্ন তথ্য-পাতিৰ আধাৰত গ্ৰেপ্তাৰ হোৱাৰ সম্ভাৱনা অধিক ৷
লক্ষণীয় যে, আকাশী দুৱৰা APSC মেনছ (Mains) পৰীক্ষাত উত্তীৰ্ণ হ'ব পৰা নাছিল ৷ আকাশী দুৱৰা নম্বৰ পাইছিল ৬২০ ৷ ৰাকেশ পাল বাহিনীয়ে আকাশী দুৱৰাৰ ২২০ নম্বৰ অনিয়মেৰে বৃদ্ধি কৰি ৮৪০ নম্বৰ কৰি পৰীক্ষাত উত্তীৰ্ণ কৰাইছিল ৷
ইপিনে বক্ৰ পথেৰে APSCৰ চাকৰি লোৱা দুই ACS বিষয়া ত্ৰিদীপ ৰয়ক ৰাকেশ পাল বাহিনীয়ে ত্ৰিদীপ ৰয়ক ৬০ নম্বৰ অনিয়মেৰে বৃদ্ধি কৰি নম্বৰ কৰি পৰীক্ষাত উত্তীৰ্ণ কৰাইছিল ৷ ইতিমধ্যে প্ৰাক্তন ন্যায়াধীশ বিল্পৱ কুমাৰ শৰ্মা আয়োগৰ প্ৰতিবেদনত এই কথাবোৰ উল্লেখ আছে ৷
ইপিনে SITৰ হাততো দুয়োজন বক্ৰ পথেৰে APSCৰ চাকৰি লোৱা দুই ACS বিষয়া আকাশী দুৱৰা আৰু ত্ৰিদীপৰ অনিয়মৰ তথ্য সাজু আছে বুলি জানিব পৰা গৈছে ৷ আৰক্ষী অধীক্ষক ঐশ্বর্য জীৱন বৰুৱা আৰু শ্বাহজাহান সৰকাৰে SIT ৰ আগত সকলো অনিয়মৰ কথা কৌশল পূৰ্ণভাৱে সদৰী কৰাৰ পৰা বিৰত আছে বুলি খবৰ পোৱা গৈছে ৷ আইনী বিষয়ত অভিজ্ঞ হৈ পৰা বিষয়া দুগৰাকীয়ে শাৰিৰীক অসুস্থতাৰ দোহাই দি SITৰ জেৰাৰ পৰা আঁতৰি থকাৰ চেষ্টা চলায় আছে ৷
লগতে পঢ়ক: ২০১৭ চনতে দোষী প্ৰমাণিত হৈয়ো কিয় গ্ৰেপ্তাৰ হোৱা নাছিল ঐশ্বর্য জীৱন বৰুৱা আৰু শ্বাহজাহান সৰকাৰ ?
