গুৱাহাটী, ৭ জানুৱাৰী : ২০২০ আৰু ২০২১ বৰ্ষৰ ৰূপকাৰ চিনে বঁটা প্ৰদান (Roopkar Awards for years 2021 and 2022 presented) । ৫ জানুৱাৰীত পবিত্ৰ কুমাৰ ডেকা আৰ্কাইভ চৌহদত অনুষ্ঠিত এক অনাড়ম্বৰপূৰ্ণ অনুষ্ঠানত এই বঁটা প্ৰদান কৰা হয় (prestigious Roopkar Awards) । বিশিষ্ট চিনে-সাংবাদিক আৰু লেখক পবিত্ৰ কুমাৰ ডেকাৰ স্মৃতিত প্ৰদান কৰা সন্মানীয় ৰূপকাৰ বঁটা ২০২১ বৰ্ষৰ বাবে মঞ্চ আৰু ছবি জগতৰ বিশিষ্ট অভিনেতা প্ৰাঞ্জল শইকীয়া আৰু ২০২২ বৰ্ষৰ বাবে ৰাষ্ট্ৰীয় বঁটা বিজয়ী চলচ্চিত্ৰ নিৰ্মাতা মৃদুল গুপ্তাক প্ৰদান কৰা হয় (Pabitra Kumar Deka memorial Rupkar award) ।
দ্বিবাৰ্ষিকভাৱে প্ৰদান কৰা এই বঁটাসমূহ ৰাজ্যখনৰ বিশিষ্ট সাহিত্যিক তথা অসমীয়া প্ৰতিদিনৰ প্ৰাক্তন সম্পাদক নিত্য বৰাই প্ৰদান কৰে (2021 Rupkar award to Pranjal Saikia) । বঁটা প্ৰদান কৰি দিয়া ভাষণত নিত্য বৰাই পবিত্ৰ কুমাৰ ডেকাৰ অসমৰ সংস্কৃতি আৰু সাহিত্য জগতলৈ আগবঢ়োৱা গুৰুত্বপূৰ্ণ আৰু স্মৰণীয় অৱদানৰ বিষয়ে উল্লেখ কৰে (2022 Rupkar award to Mridul Gupta) ।
"তেওঁ চলচ্চিত্ৰ সম্পৰ্কীয় বিভিন্ন বিষয়ৰ ওপৰত বিস্তৃতভাৱে লিখি গৈছে । কেইবাজনো উচ্চাকাংক্ষী সাংবাদিকক কেৰিয়াৰ হিচাপে চলচ্চিত্ৰ সাংবাদিকতাক গ্ৰহণ কৰিবলৈ তেওঁ অনুপ্ৰেৰণা আৰু পৰামৰ্শ দিছে । পবিত্ৰ কুমাৰ ডেকাই অসমত চলচ্চিত্ৰ প্ৰচাৰৰ ধাৰণাটো প্ৰথমে প্ৰৱৰ্তন কৰিছিল । যিটোৱে সঁচা অৰ্থত চলচ্চিত্ৰৰ প্ৰতি ব্যাপক আকৰ্ষণ আৰু সফলতা অৰ্জন কৰাত সহায় কৰিছিল ।" নিত্য বৰাই এনেদৰে কয়।
আনহাতে, পবিত্ৰ কুমাৰ ডেকাৰ সামাজিক তথা ৰাজনৈতিক অৱদানৰ বিষয়ে উল্লেখ কৰি বৰাই কয়, "তেওঁ অসমৰ বাঁওপন্থী ৰাজনীতিৰ এগৰাকী অগ্ৰণী ব্যক্তি আছিল । বহুতে অৱশ্যে এই বিষয়ত অৱগত নহয় । কিন্তু তেওঁ এসময়ত এটা ৰাজনৈতিক দলৰ এজন সক্ৰিয় আৰু মুখ্য সংগঠক আছিল । তেওঁ সামাজিক-ৰাজনৈতিক ব্যংগাত্মক লিখনিৰে যি অতুলনীয় অৱদান আগবঢ়াই গৈছে, নিঃসন্দেহে সেয়া আজিলৈকে অতুলনীয় হৈ আছে ।" পবিত্ৰ ডেকাৰ সৈতে তেওঁৰ ঘনিষ্ঠ সম্পৰ্কৰ বিষয়ে উল্লেখ কৰি বৰাই কয়, "তেওঁৰ অপ্ৰত্যাশিত উৎসাহ সদায় মোৰ বাবে এক ডাঙৰ অনুপ্ৰেৰণাৰ উৎস হৈ আহিছে ।"
স্বামী প্ৰাঞ্জল শইকীয়াৰ হৈ এই বঁটা গ্ৰহণ কৰা পূৰ্ণিমা পাঠক শইকীয়াই ৰাজ্যখনৰ সাংস্কৃতিক ঐতিহ্যলৈ পবিত্ৰ ডেকাৰ গুৰুত্বপূৰ্ণ অৱদানৰ বিষয়ে উল্লেখ কৰে । আনহাতে, বঁটা গ্ৰহণ কৰি মৃদুল গুপ্তাই তেওঁক সন্মান জনোৱাৰ বাবে আয়োজকসকলক অশেষ ধন্যবাদ জ্ঞাপন কৰে । উল্লেখ্য যে কাৰ্বি ভাষাত নিৰ্মিত মৃদুল গুপ্তাৰ নতুন চলচ্চিত্ৰ- 'মিৰবীন'-এ টকিঅ' চলচ্চিত্ৰ বঁটা, 2023-ত শ্ৰেষ্ঠ এছিয়ান চলচ্চিত্ৰৰ খিতাপ অৰ্জন কৰে । বঁটা বিজয়ীসকলে লগতে পবিত্ৰ ডেকাৰ সৈতে অৰ্জন কৰা তেওঁলোকৰ অভিজ্ঞতাৰ বিষয়েও উল্লেখ কৰে ।
মধুস্মিতা বৰকটকীয়ে সুন্দৰভাৱে পৰিচালনা কৰা বঁটা বিতৰণী অনুষ্ঠানত বিভিন্ন কাৰ্যসূচী ৰূপায়ণেৰে সফল সমাপ্তি ঘটে । উক্ত অনুষ্ঠানত প্ৰখ্যাত চলচ্চিত্ৰ আৰু সংবাদ মাধ্যমৰ ব্যক্তিসকলো উপস্থিত থাকে । হেমন্ত কুমাৰ দাস, জিতুমণি বৰা, বিদ্যুৎ কুমাৰ ভূঞা, জনাৰ্দন গোস্বামী, হেমন্ত দেৱনাথ, পাৰ্থ প্ৰতিম বৰা, ইমন চৌধুৰী, সৰোজ মেধি, ৰাণা ডেকা, বৰ্ণালী ডেকা দাস, নন্দন ডেকা আদি বিশিষ্ট লোকসকল অনুষ্ঠানত উপস্থিত থাকে ।
লগতে পঢ়ক :Dr Nazrul Islam passed away: জ্যেষ্ঠ কংগ্ৰেছী নেতা প্ৰাক্তন মন্ত্ৰী ডাঃ নজৰুল ইছলাম আৰু নাই
