গুৱাহাটী,28 অক্টোবৰঃ গুৱাহাটী মহানগৰীত যান-জঁটে জলা-কলা খুৱাইছে সাধাৰণ জনতাক। মহানগৰীৰ বিভিন্ন স্থানৰ লগতে মালিগাঁৱটো বৃদ্ধি পাইছে যান-জঁট। সোমবাৰে মালিগাঁও চাৰিআলিত উপস্থিত হয় বিত্তমন্ত্ৰী ড০ হিমন্ত বিশ্ব শৰ্মা। অঞ্চলটো পৰিদৰ্শন কৰি মন্ত্ৰী শৰ্মাই কয়, যান-জঁট দূৰীকৰণৰ বাবে এখন উৰণীয়া সেঁতু নিৰ্মাণৰ পৰিকল্পনা কৰিছে চৰকাৰে৷
এই পৰিকল্পনা সন্দৰ্ভত মন্ত্ৰীগৰাকীয়ে গড়কাপ্তানি বিভাগৰ বিষয়াসকলৰ সৈতে আলোচনাতো মিলিত হয়৷
এইক্ষেত্ৰত ক্ষেত্ৰ অধ্যয়ণ কৰি এক প্ৰতিবেদন প্ৰস্তুত কৰিবলৈ মন্ত্ৰী ড০ হিমন্ত বিশ্ব শৰ্মাই নিৰ্দেশ দিয়ে গড়কাপ্তানি বিভাগক। এই প্ৰতিবেদন পিছতেই চূড়ান্ত হ'ব উৰণীয়া সেঁতু নিৰ্মাণৰ পৰিকল্পনা৷
