মুকলি আকাশৰ তললৈ অহাৰ সম্ভাৱনা দুৰ্নীতিৰ সদাগৰ ৰূপে অভিযুক্ত ৰাকেশ পাল
গুৱাহাটী, ২৮ মাৰ্চ : আজি অৰ্থাৎ মঙলবাৰে মুকলি আকাশৰ তললৈ অহাৰ সম্ভাৱনা আছে অসম লোকসেৱা আয়োগৰ বিয়াগোম কেলেংকাৰীৰ মূল অভিযুক্ত তথা আয়োগৰ প্ৰাক্তন অধ্যক্ষ ৰাকেশ পালৰ (APSC scam prime accused Rakesh Paul)। ৬ বছৰৰ ৪ মাহ পাচত মুকলি আকাশৰ তললৈ আহিব ৰাকেশ পাল ৷ ইতিমধ্যে বিশেষ আদালতত হাজিৰ কৰা হৈছে ৰাকেশ পালক । আজি বিয়লি ৬ বজাৰ পূৰ্বে যদি আদালতৰ সকলো কাম সম্পূৰ্ণ হয়, তেন্তে ৰাকেশ পাল মুকলি আকাশৰ তললৈ অহাটো নিশ্চিত হৈ পৰিছে (Former chairman of APSC granted bail) ।
উল্লেখ্য যে, জামিননামা প্ৰস্তুত নোহোৱাৰ বাবেই সোমবাৰে মুকলি আকাশৰ তললৈ আহিবলৈ সক্ষম নহ’ল দুৰ্নীতিৰ সদাগৰ স্বৰূপ ৰাকেশ পাল । সুদীৰ্ঘ ৬ বছৰ ৪ মাহ গুৱাহাটী কেন্দ্ৰীয় কাৰাগাৰত বন্দী হৈ থকা অসম লোকসেৱা আয়োগৰ প্ৰাক্তন অধ্যক্ষ ৰাকেশ পালক শুকুৰবাৰে গুৱাহাটী উচ্চ ন্যায়ালয়ে জামিন মঞ্জুৰ কৰে যদিও জামিন প্ৰক্ৰিয়া সম্পন্ন কৰিবলৈ সক্ষম নহ’ল পালৰ অধিবক্তা ।
লগতে পঢ়ক : APSC Scam: APSC কেলেংকাৰীৰ তদন্ত সন্দৰ্ভত ন্যায়িক আয়োগৰ প্ৰতিবেদন গ্ৰহণ কৰা নাই মন্ত্ৰীসভাই
সোমবাৰে ৰাকেশ পালৰ জামিনৰ বাবে অধিবক্তাই প্ৰক্ৰিয়া আৰম্ভ কৰিছিল ৷ কিন্তু সেয়াও সম্পূৰ্ণ নহ’ল । যাৰ বাবে ৰাকেশ পাল সোমবাৰে কাৰামুক্ত হ’ব নোৱাৰিলে । আজি জামিননামা সম্পূৰ্ণ হ’লে ৬ বছৰ ৪ মাহৰ অন্তত ৰাকেশ পালে মুক্তি পোৱাৰ সম্ভাৱনা আছে (APSC scam prime accused Rakesh Paul granted bail) ।
উল্লেখ্য যে, অসম লোকসেৱা আয়োগৰ নিযুক্তি কেলেংকাৰিৰ গোচৰত সৰ্বানন্দ সণোৱালৰ চৰকাৰৰ কাৰ্যকালত ডিব্ৰুগড় আৰক্ষীৰ হাতত গ্ৰেপ্তাৰ হৈছিল ৰাকেশ পাল । ইয়াৰ পিচত ৰাকেশ পালৰ বিৰুদ্ধে এটাৰ পিচত এটাকৈ গোচৰ জাপি দি ৬ বছৰ ৪ মাহ কাৰাগাৰতে বন্দী হৈ থাকিব লগাত পৰিছিল ৰাকেশ পাল ।
জানিব পৰা মতে, ৰাকেশ পালৰ বিৰুদ্ধে ভঙাগড় থানাত ৰুজু হোৱা কৃষি উন্নয়ন বিষয়া নিযুক্তি কেলেংকাৰি গোচৰটোত জামিন মঞ্জুৰ কৰে উচ্চ ন্যায়লয়ে । ১ লাখ টকা বণ্ড, দুজন জামিনদ্বাৰ আৰু পাছপ’ৰ্ট জমা দিয়াৰ চৰ্তত ৰাকেশ পালক জামিন মঞ্জুৰ কৰে ন্যায়ালয়ে ।
লগতে পঢ়ক : Rakesh Paul granted bail: কাৰামুক্ত হ'ব পাৰে এ পি এছ চি কেলেংকাৰীৰ মূল অভিযুক্ত ৰাকেশ পাল
