গুৱাহাটী, 3 জুনঃ বুধবাৰে গান্ধীবস্তিস্থিত কৃষক মুক্তি সংগ্ৰাম সমিতিৰ কাৰ্যালয়ত এখন সংবাদমেল সম্বোধন কৰে কৃষক মুক্তি সংগ্ৰাম সমিতিৰ সভাপতি ভাস্কো ডি শইকীয়াই ৷ NIAই দাখিল কৰা চার্জশ্বীট সম্পৰ্কত সংবাদমেল অনুষ্ঠিত কৃষক মুক্তি সংগ্ৰাম সমিতিৰ ৷ পৰিচয় বিহীন গোপন ৰাজ সাক্ষীৰ বাহিৰে NIAৰ চার্জশ্বীটত কৃষক নেতৃবৃন্দৰ বিৰুদ্ধে সাক্ষ্য প্ৰমাণ নাই বুলি উল্লেখ কৰে সভাপতি গৰাকীয়ে ৷ সভাপতি গৰাকীয়ে জানিবলৈ দিয়া অনুসৰি,আদালতত অতিৰিক্ত আৰক্ষী অধীক্ষক ধনৰাম সিঙে 165 দিনত 40 পৃষ্ঠাজোৰা এখন চার্জশ্বীট দাখিল কৰিছে,য'ত তথ্য নহয় কেৱল অভিযোগহে আছে ৷ অখিল গগৈৰ বিৰুদ্ধে NIAৰ প্ৰথম অভিযোগ মতে,মাওবাদীৰ সৈতে অখিল গগৈৰ এসময়ত সম্পৰ্ক আছিল ৷ কৃষক মুক্তিৰ সদস্যক মাওবাদীৰ প্ৰশিক্ষণ দি আনিছিল অখিল গগৈয়ে ৷ দ্বিতীয় গোচৰ অনুসৰি,অখিল গগৈৰ মতাদৰ্শক ধৈৰ্য কোঁৱৰ,বিতু সোণোৱাল আৰু মানস কোঁৱৰে সমৰ্থন কৰে ৷
ইয়াৰোপৰি CAA বিৰোধী আন্দোলনত সংঘটিত হিংসাৰ আঁৰত অখিল গগৈসহ কৃষক মুক্তি সংগ্ৰাম সমিতিৰ তিনিজন সদস্য জড়িত আছিল বুলি তেওঁৰ বিৰুদ্ধে উত্থাপিত হৈছে তৃতীয়টো গোচৰ ৷ সভাপতি গৰাকীয়ে জানিবলৈ দিয়া মতে,কেৱল অভিযোগৰ ভিত্তিত অখিল গগৈৰ বিৰুদ্ধে দাখিল কৰাৰ চার্জশ্বীটৰ ভিত্তিত অখিল গগৈক বন্দী কৰি ৰাখিব নোৱাৰে NIAই ৷ 6 মাহ তদন্তৰ পিচতো অখিল গগৈ আৰু আন তিনিজনৰ বিৰুদ্ধে সঠিক তথ্য,প্ৰমাণ,সাক্ষ্য,দলিল গোটাব নোৱাৰিলে বুলিও উল্লেখ কৰে সংবাদমেল খনত ৷ তেওঁ উল্লেখ কৰা মতে,কেৱল দলিলৰ নামত অখিল গগৈৰ বিৰুদ্ধে অসমৰ বিভিন্ন থানাত আন্দোলন কৰাৰ বাবে পঞ্জীয়ন হৈ থকা গোচৰ সমূহৰ 64 টা গোচৰ দাখিল কৰিছে ৷ গতিকে কেৱল অভিযোগৰ ভিত্তিত বন্দী কৰি ৰাখিব নোৱাৰিব চৰকাৰে ৷ শীঘ্ৰেই যদি অখিল গগৈ আৰু সতীৰ্থক মুকলি কৰি নিদিয়ে তেন্তে চৰকাৰ ব্যাপক আন্দোলৰ সন্মুখীন হ'ব বুলিও কয় ভাস্কো ডি শইকীয়াই ৷ আনহাতে অখিল গগৈক কাৰাবন্দী কৰাৰ পিচতে সমগ্ৰ অসমতে কৃষক মুক্তি সংগ্ৰাম সমিতিৰ আন্দোলনৰ অনুমতি নিদি টোলগেট খোলা হৈছে ৷ লগতে অসমত কয়লাৰ অবৈধ খনন,নদী বান্ধ আৰু CAA বিৰোধী আন্দোলন স্তিমিত কৰাৰ প্ৰয়াসেৰে অখিল গগৈক বন্দী কৰি ৰাখিছে চৰকাৰে বুলিও উল্লেখ কৰে কৃষক মুক্তি সংগ্ৰাম সমিতিৰ সভাপতি গৰাকীয়ে ৷
লগতে পঢ়কঃ এক বজাৰ শীৰ্ষ বাতৰিসমূহ...
