গুৱাহাটী, 4 জুনঃ বিশ্বৰ চতুৰ্থতম উচ্চ শৃংগ বগাই মঙলবাৰে গুৱাহাটীত উপস্থিত হ'ল দুই পৰ্বতাৰোহী চন্দন দাস আৰু শশী প্ৰকাশ ৰায় । আফ্ৰিকাৰ মাউন্ট কিলিমানজাৰোত অসমৰ দুই পৰ্বতাৰোহীয়ে উৰুৱাইছিল বিজয়ধ্বজা । উত্তৰ গুৱাহাটীৰ দুই পৰ্বতাৰোহী চন্দন দাস আৰু শশী প্ৰকাশ ৰায়ে প্ৰায় ৬ হাজাৰ মিটাৰ উচ্চতা আৰু ২০ হাজাৰ ফুট উচ্চতাত অসমীয়াৰ স্বাভিমান গোমাচা উৰুৱাবলৈ সক্ষম হৈছিল ৷
গুৱাহাটীত উপস্থিত হ’ল বিশ্বৰ চতুৰ্থতম উচ্চ শৃংগ বগোৱা দুই পৰ্বতাৰোহী
মুম্বাইৰ পৰা বৰঝাৰ বিমানবন্দৰত উপস্থিত হোৱাৰ পিছতে পৰিয়ালৰ লোক তথা শুভকাংক্ষীসকলে উষ্ম আদৰণি জনায় দুয়োগৰাকী অসম সন্তানক । উল্লেখ্য যে বিশ্বৰ চতুৰ্থতম উচ্চ শৃংগত ২০ ডিগ্ৰী চেলচিয়াছৰ প্ৰতিকূল বতৰ, তুষাৰপাতৰ বাধাকো নেওচি দুই অসম সন্তানে কিলিমানজাৰো শৃংগৰ উচ্চ শিখৰত উপস্থিত হৈ উৰুৱাইছিল অসমৰ গামোচা ৷
